Azərbaycan Dövlət Milli Gənc Tamaşaçılar Teatrında Nikolay Qoqolun “Evlənmə” pyesi əsasında hazırlanan “Evlilik” tamaşasının oxunuş məşqlərinə başlanılıb.
Kulis.az xəbər verir ki, tamaşanın quruluşçu rejissoru və musiqi tərtibatçısı Elşad Rəhimzadə, quruluşçu rəssamı Elmira Üzeyirova, rejissor assistenti Fuad Cavadzadə, xoreoqraf isə Ceyhun Dadaşovdur.
Tamaşada Xalq artistləri Yasin Qarayev, Nübar Novruzova, Naibə Allahverdiyeva, Əməkdar artistlər Şəfəq Əliyeva, Nofəl Vəliyev, Leyli Vəliyeva, Elnur Bəhramxan, Rasim Cəfər, aktyorlar Zemfira Əbdülsəmədova, Günel Məmmədova, Ramil Məmmədov, Elşən Hacıbabayev, Elgün Yəhyayev, Hökümə Rəhimzadə, Hilal Dəmirov, Xaliq Bəkirov, İmdad Tofiqoğlu, Nuriyyə Əliyeva, Mehriban Hüseynova, Mətləb Abuşov iştirak edirlər.
Bildirilib ki, səhnə əsəri ömrünü səmərəsiz keçirən insanların həyatından bəhs edir. Qəhramanlar həyatlarını dəyişməyin ən asan yolunu evlilikdə görürlər.
Yaşı ötmüş kiçik məmur İvan Kuzmiç Podkolyosin evlənmək, tacir qızı Aqafya Tixonovna isə ərə getmək arzusundadır. Aradüzəldən Fyokla İvanovna da bu prosesdə şəxsi maraqları naminə fəallaşır. Qoqol əsərdə insan münasibətlərinə laqeyd yanaşmağın, ülvi hissləri oyuncağa çevirməyin acı nəticələrini satirik dillə təqdim edir.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər