Kulis.az bir müddət öncə Antalya film festivalında növbəti mükafatını qazanan azərbaycanlı aktrisa Nəsrin Cavadzadənin fotolarını və onun həyatından maraqlı faktları təqdim edir.

Orta məktəbdəykən teatr kursuna yazılan Nəsrinin ilk rolu “Türkmən toyu” adlı tamaşada olub.

Məktəbi bitirdikdən sonra Mərmərə Universitetinin “Teatr və kino” fakültəsinin rejissorluq ixtisasına daxil olub.

Məzun olduqdan sonra çəkildiyi “Yersiz yurdsuz” serialı ilə Türkiyədə məşhurluq qazanıb. Amma serialın özü uğursuz olduğuna görə ekranlardan vaxtından əvvəl yığışdırılıb.

Rejissor kimi bir neçə qısametrajlı filmin və bir sənədli filmin müəllifidir.

Serialın rejissoru Camal Şan onu “Dilbərin səkkiz günü” filmində çəkib. Bu film azərbaycanlı aktrisaya uğur gətirib. Filmdəki performansına görə üç yerli film festivalında “ən yaxşı aktrisa” mükafatı qazanıb.

Yenə sözügedən rejissorun “Əzab” filmində çəkilib və mükafat qazanıb.

2011-ci ildə Türkiyənin ATV kanalında Çingiz Aytmatovun “Qırmızı yaylıqlı qovağım mənim” əsəri əsasında çəkilmiş “Al yazmalım” serialında oynayıb.

2011-ci ildə “Gözəl günlər görəcəyik” filmi ilə Antalya film festivalında ən yaxşı ikinci dərəcəli qadın roluna, Ankara festivalında isə ən yaxşı qadın roluna görə mükafat qazanıb.

“Recep İvedik” kimi filmlərdə oynamaq təkliflərinə müsbət yanaşacağını deyib.

Sonuncu aldığı mükafat Antalya festivalında Kutluğ Atamanın “Quzu” filmindəki roluna görə olub. Yenə “ən yaxşı aktrisa” mükafatına layiq görülən Cavadzadə səhnədə göz yaşlarını saxlaya bilməyib.

Səyahəti, pişik saxlamağı, idman etməyi, baletlə məşğul olmağı sevir. Rəsmən evli olmasa da, vətəndaş nikahında yaşayır.

Rus, ingilis və fransız dillərini bilir.

• Qarğıdalı əkini - Şervud Andersonun hekayəsi
• Məşhur müğənni beynindən əməliyyat olundu
• Əli İsa Cabbarov namizədliyini geri götürdü - İşdən çıxmaqla bağlı ərizə yazdı