Bu gün tanınmış macar şair, tərcüməçi, məşhur şair Şandor Petöfinin həyat yoldaşı Yuliya Sendreinin anım günüdür.
Kulis.az onun "Mənim düşüncələrim, duyğularım" şeirini təqdim edir.
Mənim düşüncələrim, duyğularım
Qanad açırlar,
Qəfəslərinin qapısını açıq qoydum
Və uçub getdilər.
Dünyaya uçmayın,
Məni tərk etməyin,
Orada sizə nə dost gözləyir,
Nə də isti qucaq...
Orada qohum-qardaş ürəyi tapmazsınız,
Hara ki uçursunuz,
Rəhmsizliyin soyuqluğundan
Ölməlisiniz.
Sevincimin, kədərimin
Şirin övladları,
Ürəyimin gizli dünyasının
Balaca balaları.
Alovun üstünə uçan
Kəpənək kimi davranırsınız,
Və yandırıcı od arasında orada
Sizi ölüm gözləyir.
İstehzanın iti gülüşü
Sizi qarşılayacaq,
Və hər ətirli güldən
Sizi qovacaq...
Və o zamana qədər
budaqdan budağa uçacaqsınız ki,
Tikanlar
Qanadınızdan bütün lələkləri
Yolub tökməsin.
Və əzilərək, parça-parça olaraq
Yerə düşəcəksiniz,
Və unutqanlığın ağır pəncəsi
Üstünüzdən keçəcək.
Dünyaya uçmayın,
Orada yalnız qəm var;
Məndə həyat, orada isə acı,
Qəmli ölüm!
Rus dilindən sətri tərcümə: Aydan Ağayeva
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər