Amerikalı rejissor Vudi Allen Moskva Beynəlxalq Film Həftəsində onlayn iştirak edib və rus kino sənayesini tərifləyərək, fürsət olarsa Rusiyada film çəkmək istədiyini bildirib.
Kulis.az xəbər verir ki, tədbir Rusiya prezidenti Vladimir Putinə yaxınlığı ilə tanınan rejissor Fyodor Bondarçukun moderatorluğu ilə keçirilib. Allen, təklif gələrsə, Moskvada və ya Sankt-Peterburqda çəkilə biləcək filmin ssenarisi üzərində düşünə biləcəyini deyib.
Onun bu çıxışı Ukrayna Xarici İşlər Nazirliyinin kəskin reaksiyasına səbəb olub. Nazirlik Vudi Allenin Rusiyanın “qanlı festivalında” iştirakını qınayaraq, bunun Rusiyanın Ukraynada törətdiyi vəhşilikləri görməməzlikdən gəlmək olduğunu bildirib. Qurumun bəyanatında deyilir: “Allen Ukraynada müharibə zamanı həlak olan və ya yaralanan aktyor və rejissorların xatirəsinə hörmətsizlik edib.”
Yaranan reaksiyalardan sonra Allen "Associated Press"ə verdiyi açıqlamada Rusiya Prezidenti Vladimir Putini qınayıb və Ukraynadakı müharibəni “dəhşətli” adlandırıb. Eyni zamanda o, “siyasi gərginliklərə baxmayaraq, mədəni dialoqların davam etməli olduğunu” bildirib.
Qeyd edək ki, Vudi Allenin son filmi “Coup de Chance” 2023-cü ildə 80-ci Venesiya Film Festivalında nümayiş olunub.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər