Kulis.az bugünlərdə vəfat edən məşhur müğənni Dolli Partonun yaddaqalan deyimlərini təqdim edir.
Axmaq sarışın zarafatlarından incimirəm, çünki axmaq olmadığımı bilirəm; həm də onsuz da sarışın deyiləm.
***
Bu qədər ucuz görünməyin xərci çox ağırdır.
***
Yaxşı ki, qadın doğulmuşam, yoxsa bir "dreq-quin" olardım.
***
İnsanlar həmişə məndən saçımı düzəltməyin nə qədər vaxt apardığını soruşurlar. Bilmirəm, axı mən heç vaxt orada olmuram!
***
Sevgi insanı canından bezdirsin deyə - göydən göndərilmiş bir şeydir.
***
Zəif damarım həmişə yemək və kişilər olub. Ardıcıllıqla desək: əvvəl yemək, sonra kişilər.
***
Kitablarda yazılan bütün pəhrizləri sınamışam. Kitablarda olmayan bəzilərini də yoxlamışam. Axırda kitabı yeməyə çalışdım və dadı əksər pəhrizlərdən daha ləzzətli idi.
***
Məncə, göy qurşağını görmək istəyirsənsə, yağışa dözməlisən!
***
Xoşbəxt göründüyüm üçün məni bəsit düşüncəli sanırlar. Niyə də xoşbəxt olmayım axı? İstədiyim hər şeyə və daha artığına sahibəm. Bəlkə də, həqiqətən sadə biriyəm. Bəlkə də, bu işin sirri məhz bundadır: sadəlikdə.
***
Həmişə belə düşünmüşəm: qarşında gülümsəməyən birini görsən, ona öz təbəssümünü bəxş et!
***
Fırtınalar ağacların kökünü daha dərinlərə salmasına səbəb olur.
***
Getdiyin yolu sevmirsənsə, yeni bir yol salmağa başla.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər