Aktyor Riçard Gir Berlində miqrasiya məsələlərinə həsr olunmuş tədbirdə çıxış edərək ABŞ-nin hazırkı prezidenti Donald Trampın siyasətini sərt tənqid edib.
Kulis.az xəbər verir ki, bu barədə "Daily Mail" nəşri məlumat yayıb.
Aktyor məsələ ilə bağlı bunları deyib:
"Heç ağlınıza gələrdimi ki, Amerika bu qədər alçala bilər? Heç təsəvvür edə bilərdinizmi ki, belə bir dəli Amerika Birləşmiş Ştatlarının prezidenti olacaq və onu məhv etmək üçün çalışacaq?"
Aktyor amerikalı siyasətçilərin miqrantlara qarşı ritorikasına görə utandığını vurğulayıb. Onun sözlərinə görə, indi hakimiyyət onları "gəlmələr", əvvəllər isə daha alçaldıcı bir terminlə - "parazitlər" adlandırırdı.
"Daily Mail"in qeyd etdiyi kimi, həmin həftə sənətçi Osloda keçirilən forumda da çıxış edib. O, orada Trampı "manyak", hazırkı dövrü isə "ölkə tarixinin ən qaranlıq dövrü" adlandırıb. Eyni zamanda, aktyor yaranmış vəziyyətdə öz məsuliyyət payını da etiraf edərək vurğulayıb:
"Mən insanlara bu şəxsi ABŞ prezidenti seçməyin dəlilik olduğunu inandırıcı şəkildə sübut etmək üçün kifayət qədər iş görmədim. O, elə ilk gündəcə ABŞ hökumətində və xalqında olan demək olar ki, bütün yaxşı şeyləri məhv etdi".
Qeyd edək ki, 2024-cü ilin sonlarında Trampın seçkilərdəki qələbəsindən sonra 76 yaşlı aktyor və onun 43 yaşlı həyat yoldaşı Alexandra Silva İspaniyaya köçmüşdülər. Ailə Konnektikutdakı rançosunu sataraq Madriddə məskunlaşmışdı. Təxminən bir il sonra, 2025-ci ilin sonlarında isə Gir ailəsi yenidən ABŞ-yə qayıdıb.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər