Yeni arxeoloji tapıntılar göstərir ki, eramızın 79-cu ilində Vezuvi vulkanının dağıdıcı püskürməsindən sonra sağ qalanlar və bəlkə də yeni gələnlər Pompeyəyə geri dönərək şəhərdə həyatı yenidən qurmağa çalışıblar.
Kulis.az xəbər verir ki, qazıntılar zamanı binalarda dağıntılardan sonra edilən dəyişikliklər, məişət fəaliyyətləri izləri və bəzi strukturların yenidən istifadəyə verildiyi aşkar edilib.
Tədqiqatçılar bu dövrü qeyri-rəsmi, zəif infrastrukturla təmin olunmuş, favelaya bənzər bir yaşayış məntəqəsi kimi qiymətləndirirlər.
Roma evlərinin zirzəmiləri çörəkbişirmə sobalarına və dəyirmanlara çevrilib, yuxarı mərtəbələr isə yenidən yaşayış üçün istifadə olunub.
Arxeoloqlar bu vəziyyəti "keçmiş Pompeyənin xarabalıqları arasında qurulmuş köçəri bir düşərgə" kimi təsvir edirlər.
Alimlər hesab edirlər ki, bu qeyri-rəsmi yaşayış forması V əsrə, yəni "Pollena püskürməsi" adlı digər bir vulkanik fəlakətə qədər davam edə bilər.
Qeyd edək ki, bu yeni tapıntılar Pompeyin tarixində indiyədək az bilinən bir mərhələni gün üzünə çıxarır.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər