İtaliyanın Siciliya adasında yerləşən Messina şəhərindəki Regional Muzeydən İntibah dövrünün görkəmli rəssamı Antonello da Messinaya aid milyonlarla avro dəyərində dörd qiymətli əsər oğurlanıb.
Kulis.az xəbər verir ki, qarətçilər rəssamın 1473-cü ilə aid "San Qreqorio" poliptixinin günümüzədək gəlib çatmış beş pannosundan üçünü və "Pieta" səhnəsində Məryəm ana ilə İsa təsvir edilmiş ikitərəfli pannonu zirehli vitrindən çıxararaq aparıblar.
Soyğunçular poliptixin bütün pannolarını çərçivəsindən çıxarsalar da, qaçarkən ikisini divarın arxasında qoyublar.
Oğurluq hadisəsi şəhər əhalisinin Məryəm ananın göyə yüksəlməsi bayramını küçələrdə kütləvi şəkildə qeyd etdiyi vaxtda, gecə saatlarında baş verib.
Sənətşünaslar oğurlanan əsərlərin ümumi dəyərini 70-80 milyon avro arasında qiymətləndirirlər.
Muzeyin direktoru Marisa Merkuro və şəhərin mədəniyyət məsələləri üzrə rəsmisi Entso Karuzo baş verənləri Messina şəhəri, İtaliya mədəniyyəti və dünya incəsənəti üçün böyük fəlakət və ağır itki kimi dəyərləndiriblər.
Ekspertlər qeyd edirlər ki, dünyaca tanınan bu nadir incilərin leqal yollarla satılması praktiki olaraq qeyri-mümkündür.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər