Prodüser Devid Pirs iki qadının ölümü və zorlamada təqsirli bilinərək 146 il həbs cəzasına məhkum edilib.
Kulis.az xəbər verir ki, hökmü Los-Anceles dairə məhkəməsi elan edib.
Məhkəmə Pirsin 24 yaşlı aktrisa və model Kristi Cayls, həmçinin 26 yaşlı meksikalı dizayner Hilda Marsela Kabrales-Arsolanın ölümünə səbəb olduğunu təsdiqləyib.
İstintaq materiallarına əsasən, hadisə 2021-ci ilin 13 noyabrında baş verib. Qadınlar prodüserlə anbar tipli bir məkanda tanış olub, daha sonra onun Beverli-Hillzdəki evinə gediblər. Pirs onlara fentanil və GHB kimi maddələr verib.
Məhkəmədə təqdim olunan sübutlar cinayətlərin zorakı yolla törədildiyini üzə çıxarıb. Pirsin DNT izləri hər iki qurbanın bədənində aşkarlanıb.
Hadisədən sonra qadınlar maskalı şəxslər tərəfindən Los-Ancelesdəki xəstəxanaların qarşısına atılıb. Kabrales-Arsola ilkin olaraq reanimasiyaya yerləşdirilsə də, 11 gün sonra, doğum günündən bir gün əvvəl dünyasını dəyişib.
Pirsin vəkilləri qərardan apellyasiya şikayəti verməyə hazırlaşır. Bununla belə, məhkəmənin qərarına əsasən, prodüser 146 il müddətinə azadlıqdan məhrum edilib və şərti azadlığa buraxılma hüququndan məhrumdur.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər