19 avqust Venesiyalı sənətkar, monumental teatrın banisi, memar Andrea Palladionun anım günüdür.
Kulis.az bu münasibətlə memarı həyatı və fəaliyyəti ilə bağlı maraqlı faktları təqdim edir.
Andrea Palladionun 1508 - 1580-ci illər arasında Venesiyanın Padova şəhərində yaşadığı güman edilir.
O, əsasən Viçensa və Venesiyada yaşayıb - yaradıb.
Onun memarlığı son İntibah dövrünün zirvəsi hesab edilir və Avropa memarlığının sonrakı inkişafına böyük təsir göstərib.
XVII–XVIII əsrlərdə onun memarlıq yenilikləri Avropada klassisizmin “Palladioçuluq” adını aldı.
Palladio ideyalarını “Memarlıq haqqında dörd kitab” adlı əsərində yazıb. Kitab 1570- ci ildə qələmə alınıb.
Onun əsərləri təbiiliyi, rahatlığı, sakitliyi, kamilliyi, ciddi nizamlılığı və ətraf mühitlə vəhdəti ilə fərqlənir.
Onun memarlıq nümunələri Viçensa və Venesiyanı bəzəyir, Viçensa isə onun şəhəri hesab olunur.
1549-cu ildə tikilən "Bazilika" memarlıq binası Viçensadakı ən böyük memarlıq binasıdır və Palladionun ən məşhur əsərlərindəndir.
Bununla yanaşı, onun memarı olduğu və 1580-ci ilə aid "Olimpiko teatrı" İtaliyadakı ilk monumental teatrdır, antik Roma teatr tipindən istifadə olunaraq qurulub. Tamaşaçı zalı ellips formasında dizayn edilib.
Palladionun ideyaları xüsusilə İngiltərə, Fransa və Rusiya memarlığına yüksək dərəcədə təsir göstərib.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər