Bu gün amerikalı yazıçı Robert Ludlumun doğum günüdür.

Kulis.az onun əsərlərindən sitatları təqdim edir.

Ümid qorxudan güclü olan yeganə şeydir. Azacıq ümid effektivdir. Çoxlu ümid isə təhlükəlidir. Nəzarət altında saxlanıldığı müddətcə kiçik bir qığılcım tamamilə kifayətdir.

Artıq tək başınasan. Amma çarəsiz deyilsən. Öz yolunu tapacaqsan.

Təşviş və qorxu içində yaşayan birinə edə biləcəyiniz ən böyük qəddarlıq, ona sonradan yalan çıxacaq bir ümid verməkdir. O ümid puç olduqda, yaranan dağıntıya dözmək qeyri-mümkündür.

Credo quia absurdum – İnanıram, çünki bu absurddur.

Həyatda tək bir fəlsəfənin təsəvvür edə biləcəyindən çox daha ağlasığmaz, qəribə hadisələr və eniş-yoxuşlar var idi.

Yuxu bir silahdır!

İnsanın xatırlamadığı şey onun üçün mövcud deyil.

Dünyada ən asan şey insanın özünün haqlı olduğuna özünü inandırmasıdır. İnsan yaşlandıqca bu, daha da asanlaşır.

Hər hansı bir tələnin uğuru onun təməlindəki sadəlikdə gizlənir.

Nifrət və sevgi mahiyyətcə eynidir; çünki sevən insan da nifrət edən insan qədər asanlıqla idarə oluna (manipulyasiya edilə) bilir.

Həmişə öyrən, lakin heç vaxt öyrənirmiş kimi görünmə.
Sərvət insanın ondan zövq almaq üçün sahib olduğu vaxtın miqdarı ilə nisbidir.
Həqiqət nə sevindiricidir, nə də kədərli; nə yaxşıdır, nə də pis. O, sadəcə həqiqətdir.
Cənablar, qoyun sizə deyim, şeytanın oyunları təkcə cəhənnəmə məhkum olanlarla məhdudlaşmır. Başqaları da bu oyunları oynaya bilər.
Sən ziddiyyətlər yığımına bənzəyirsən; dərində, demək olar ki, həmişə nəzarət altında saxlanılan, lakin tamamilə diri olan bir zorakılıq (təcavüzkarlıq) var.
İnsanın zəiflikləri onun imanına kölgə sala bilər, lakin onu azaltmır.

• Unut məni, aldat məni, at məni - Məmməd Araz
• Xəyalən gitara çalmaq üzrə dünya çempionu müəyyənləşdi
• Bakıda Türk Dünyası Bəstəkarlarının I Qurultayı keçirilir