Kino peşəkarlarının və kino həvəskarlarının maraqla izlədiyi peşəkar dərgilərdən biri olan “Fokus” analitik kino jurnalı növbəti 10-cu nömrəsilə oxucularının görüşünə gəldi.

Kulis.az xəbər verir ki, Gənc Film İstehsalçıları Assosiasiyasının nəşri olan “Fokus” analitik kino jurnalı Qafqazda çap formatında dərc edilən yeganə analitik kino dərgisidir. 10-cu nömrənin nəşri AR Mədəniyyət Nazirliyi tərəfindən maliyyələşdirilib. Gənc Film İstehsalçıları Assosiasiyası ilə Mədəniyyət Nazirliyi arasında bağlanan müqaviləyə əsasən, Nazirlik jurnalın növbəti 4 nömrəsinin nəşrini maliyyələşdirəcək. Eyni zamanda Azərbaycan Kinematoqrafçılar İttifaqı da jurnalın nəşrinə maliyyə və təşkilatı dəstək verib.

Bu nömrədə jurnal ənənəvi olaraq Sevda Sultanova, Aliyə Dadaşova, Aygün Aslanlı ilə yanaşı yeni müəlliflər-Qismət Rüstəmov, Hacı Səfərovla da əməkdaşlıq edib. Jurnal yeni müəlliflər də cəlb etmək, yeni kinoşünaslar nəsli yetişdirmək əzmindədir.

Jurnalın redaktoru Əli İsa Cabbarovun “Ön söz”ündə bildirdiyinə görə 10-cu nömrənin ana məqsədi “kinomuz hardadır” və “kinomuz hara gedir” suallarına cavab tapmaqdır. Bu səbədən dramaturq Cəfər Cabbarlının “Litеraturnaya qazеta”nın 20 iyun 1930-cu il, No 30 (67) nömrəsində çap olunan “Hara gedir Azərkino” adlı məqaləsi jurnalın ilk məqaləsi kimi seçilib. Kinorejissorlar Elvin Adıgözəl, Hilal Baydarov,Rüfət Həsənov nömrənin əsas qəhrəmanlarıdır. Bununla yanaşı Rüstəm İbrahimbəyovdan və məşhur ssenari təlimçisi Kristofer Voqlerdən də məqalələr yer alıb. Kinooperator Orxan

Abbasov, kinorejissorlar Teymur Daimi və Teymur Hacıyevlə müsahibələr bu buraxılışın maraqlı yazılarındandır.

Jurnalı nəşr edən, Gənc Fİlm İstehsalçıları Assosiasiyasının sədri Əli İsa Cabbarovun dediyinə görə,jurnalın nəşrinin bərpası Mədəniyyət Nazirliyinin Kino şöbəsində ( yeni adı Audiovizul və interaktiv media şöbəsi) gedən dəyişikliklərlə bağlıdı.O, bildirib ki, prosesləri analiz etmədən heç bir sahədə irəliləyiş əldə etmək olmaz. “Fokus”un ana missiyasını bunda görürük.

• Əri güllələndi, övladı uşaq evində acından öldü, qızı həbs edildi... - Görkəmli rus şairin faciəvi taleyi
• ADMİU-nun tələbələrini təhqir edən şəxslərə xəbərdarlıq edildi
• Mirzə İbrahimovun nikahdankənar qızı - Uzun illər taleyi gizli qalan Zamira İbrahimova kimdir?