Roma Milli Mərkəzi Kitabxanasının arxivlərində aparılan araşdırmalar zamanı ingilis dilinin məlum olan ən qədim şeiri "Kedmonun ilahisi"nin (Caedmon’s Hymn) itkin düşmüş 9-cu əsr nüsxəsi tapılıb.
"Euronews"un verdiyi xəbərə görə, Dublindəki Triniti Kollecinin mütəxəssisləri tərəfindən sənədlər arasında aşkar edilən bu nadir mətn, 1920-ci illərdən bəri tapılan ilk erkən dövr nüsxə olması ilə böyük əhəmiyyət kəsb edir.
Şimali İtaliyadakı bir monastırda rahib tərəfindən köçürüldüyü məlum olan bu əlyazma, əsrlər boyu itmiş hesab olunurdu.
Tapılan nüsxə, 7-ci əsrdə bir çoban tərəfindən qələmə alınan cəmi 9 misralıq bu şeiri latın dili mətni daxilinə inteqrasiya edən ən qədim nümunədir.
Tədqiqatçılar bu tapıntının əvvəlki məlum nümunələrdən təxminən 300 il daha qədim olduğunu və ingilis dilinə hələ 9-cu əsrdə verilən önəmi sübut etdiyini bildirirlər.
Bu kəşf həm də orta əsrlərdə İngiltərə ilə İtaliya arasındakı sıx mədəni əlaqələri bir daha gün üzünə çıxarır.
Qeyd edək ki, hazırda bu tarixi sənəd rəqəmsallaşdırma layihəsi çərçivəsində bütün dünya alimlərinin istifadəsinə açıq elan edilib.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər