Yunanıstanın əzəmətli Olimp dağı UNESCO-nun Ümumdünya İrsi siyahısına namizədlik üçün ölkənin ilkin siyahısına daxil edilib.
Kulis.az xəbər verir ki, bu barədə Yunanıstanın Milli Ətraf Mühit və Davamlı İnkişaf Mərkəzinin (NECCA) rəsmi saytında məlumat yayımlanıb.
Xüsusi dosye hazırlanır
Layihə yunan və ingilis dillərində xüsusi namizədlik dosyesinin hazırlanmasını nəzərdə tutur. Sənəd "Ümumdünya İrsi haqqında Konvensiyanın tətbiqi üzrə Rəhbər prinsiplər"ə tam uyğun olaraq tərtib ediləcək.
Dosyeyə həmçinin Olimpin unikal təbii və mədəni dəyərinin qorunması üzrə tədbir və fəaliyyətləri müəyyən edən ərazinin idarə edilməsi planı da daxil ediləcək. Dağın Ümumdünya İrsi siyahısına daxil edilməsi ilə bağlı yekun qərarı UNESCO-nun hökumətlərarası komitəsi qəbul edəcək.
Tanrıların məskəni və Yunanıstanın zirvəsi
Qeyd edək ki, Olimp dağı Fessaliya və Makedoniya sərhədində yerləşir. Hündürlüyü 2917 metrə çatan bu dağ Yunanıstanın ən yüksək zirvəsi sayılır.
Olimp təkcə coğrafi deyil, həm də böyük tarixi və mədəni əhəmiyyətə malikdir. Belə ki, qədim yunan mifologiyasına görə, bu dağ İldırım tanrısı Zevs başda olmaqla qüdrətli Olimpiya tanrılarının əbədi məskəni hesab edilirdi. Dağ 1938-ci ildən milli park, 1981-ci ildən isə UNESCO-nun qoruq statusuna malikdir.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər