Cənubi Koreyanın dünyaca məşhur BTS qrupu 2026-cı il üçün Ginnesin Rekordlar Kitabının ikonalar siyahısına daxil edilib.
Kulis.az xəbər verir ki, bu barədə məlumat rekordlar kitabının rəsmi saytında yayımlanıb.
Yalnız musiqi deyil, həm də fəlsəfə
Qrupun bu titula layiq görülməsinin səbəbləri belə izah olunub:
"Onlar yalnız K-pop musiqisini dünyaya açıb tanıtdıqları üçün deyil, həm də mental sağlamlıq, tənhalıq və yetkinləşmə kimi həssas mövzulara toxunan çoxjanrlı musiqiləri ilə tarix yazdıqlarına görə ikona kimi qəbul edilirlər".
"Spotify"ın ən çox dinlənilənləri
Qeyd edək ki, BTS hələ 2018-ci ildə "Lav yorself: Tir" adlı altıncı studiya albomu ilə ABŞ-nin albomlar hit-paradına başçılıq edən ilk K-pop qrupu kimi tarixə düşmüşdü. 2024-cü ilin fevral ayında isə kollektiv "Spotify" musiqi platformasında ən çox dinlənilən qrup ünvanını qazanıb.
Uzun fasilədən sonra dünya turu
Bu ilin aprel ayında qrupun "Ariranq" adlı yeni albomu işıq üzü görüb və ardınca kollektivin çoxdan gözlənilən dünya turu start götürüb.
Qrupun iki üzvünün Cənubi Koreyada icbari hərbi xidmətə yollanması səbəbindən BTS 2022-ci ildən bəri qastrol səfərlərinə çıxmırdı.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər