Xəbər verdiyimiz kimi 2020-ci il üzrə Nobel mükafatı yəhudi əsilli ABŞ şairi Luiza Qlükə verildi. Kulis.az şairin qısa bioqrafiyasını təqdim edir.
Luiza Qlük 22 aprel 1943-cü ilə Nyu-Yorkda Avstrya-Macarstandan gələn yəhudi mühacir əsilli ailədə dünyaya gəlib.
Sarrı Lourens kollecini bitirib. Daha sonra Kolumbiya universitetində oxuyub, lakin təhsilini tam başa vurmadan universiteti yarımçıq qoyub.
Qlük 1968-ci ildə Amerika Şairlər Akademiyası mükafatına, 1985-ci ildə tənqidçilər cəmiyyətinin Milli Kitab mükafatına, 1993-cü ildə “Pulitzer” mükafatına, 2001-ci ildə “Bollingen” Mükafatına layiq görülüb. 2003-2004-cü illərdə isə “ABŞ şairi” adına layiq görülüb. 2014-cü ildən Amerika Fəlsəfi Cəmiyyətinin üzvüdür.
Luiza şeir haqqında bunları deyir:
“Dünya bizsiz bütünləşir. Bu dözülməz həqiqətdir! Şair üsyanla cavab verərək əksini sübut etmək istəyir. Şair xroniki həqiqət mübahisəsi içində yaşayır və nəticədə ortaya yeni sürpriz çıxır: dözülməzliyin ziddiyyətli bir parçasında yeni bir həqiqətin yaranması...
Qeyd edək ki, şairin seçilmiş əsərləri Türkiyədə nəşr olunub. Azərbaycanda isə Qlükün bir neçə şeiri Səməd Qaraçöpün tərcüməsində 2004-cü ildə “Xəzər” jurnalında çap edilib.
Şairə “Axillesin qələbəsi”, “Vəhşi İris”, “Çəmənlik”, “Həyatın yeddi yaşı”, “Kənd həyatı”, “Oktyabr”, “Averno” kitablarının müəllifidir.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər