Çinin cənubunda yerləşən Xuaşan qayaüstü rəsmlərinin şiddətli yağışlara, yüksək temperatura və tayfunlara baxmayaraq, 2 min ildən çox necə qorunub saxlanıldığı elmi araşdırmalar nəticəsində bəlli olub.
Kulis.az xəbər verir ki, "Journal of Archaeological Science" jurnalında dərc olunan tədqiqata əsasən, qədim rəssamlar boyanın qayaya möhkəm yapışmasını təmin etmək üçün əhəng və insan qanından ibarət qeyri-adi bağlayıcı qarışıqdan istifadə ediblər.
UNESCO-nun Dünya İrs Siyahısına daxil edilən və eramızdan əvvəl V əsrlə eramızın II əsri arasında Luoyue xalqı tərəfindən çəkildiyi bildirilən bu rəsmlər qum və dəniz qabıqlarından fərqli olaraq xüsusi texnika ilə ərsəyə gətirilib.
Qırmızı piqment yerli qırmızı gildən əldə olunub.
Analizlər zamanı boya nümunələrində insan zülalları tapılıb ki, bu da tərkibdə insan qanının olduğunu sübut edir.
Alimlər ehtimal edirlər ki, təsvirlər iki mərhələli üsulla çəkilib: əvvəlcə qayaya sönmüş əhəng, kalsium-fosfat və qandan ibarət məhlul çəkilib, sonra isə qurumamış qırmızı piqment tətbiq edilib.
Qandakı zülallar piqment hissəciklərinin ətrafında sıx mineral təbəqə yaradaraq boyanı qayanın daxilinə keçirib. Bu da əsərlərin minilliklər boyu silinmədən günümüzədək gəlib çatmasına şərait yaradıb.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər