Kulis.az canavarlar tərəfindən böyüdülmüş Dina Saniçarın həyat hekayəsini təqdim edir.

Dina Saniçar 1867-ci ildə bir qrup ovçu tərəfindən mağarada, canavarların arasında tapılıb. 6 yaşlı bu uşaq canavar kimi hərəkət edirdi, yetimxanaya yerləşdirildikdən sonra da dörd ayaq üstündə gəzdiyi və çiy ət yediyi bildirilmişdi.

Yetimxanadakı təlimlər zamanı və ümumiyyətlə, ömrü boyu danışmağı öyrənə bilmədi. Üstəlik, paltar geyinməyi də sevmirdi. Başqa insanların yediyi qidaların qoxusu xoşuna gəlmədikdə yemir, daha çox çiy ət və sümük gəmirirdi. Uşaq psixoloqu Ueyn Dennisin 1941-ci ildə “American Journal of Psychology” dərgisində yazdığı “The significance of feral man” məqaləsində bu hadisəylə bağlı “vəhşi adam nizamsızdır” və “mədəni insanın iyrəndiyi şeyləri yeyir” fikirləri qeyd olunub.

Sançar heyvanların arasında böyüyən başqa bir uşaqla dost olmuşdu. Yetimxanada qaldığı müddət ərzində ünsiyyət qurduğu tək insan o idi. Bundan başqa, Saniçar təkcə siqaret çəkməyi öyrənə bilmişdi. Çox siqaret çəkdiyinə görə 1895-ci ildə vərəm xəstəliyindən öldü. Həmin dövr ərzində Hindistanda buna bənzəyən 50-yə yaxın heyvan uşaq tapıldı.

Redyard Kiplinqi bəlkə də çoxunuz tanımırsınız, amma Mauqli desək xatırlayacaqsınız. İngilis jurnalist, hekayə, şeir və roman yazarıdır. O dövrlərdə ingilis müstəmləkəsi olan Hindistanda dünyaya gəlib. Sonralar təhsil üçün İngiltərəyə gedib, lakin 1882-ci ildə Hindistana qayıdıb. Hindistanda jurnalistika ilə məşğul olmağa başlayıb və “Cəngəllik kitabı”nı 1894-cü ildə qələmə alıb. Deyilənə görə jurnalistlik dövründə Saniçar hadisəsinin xəbərlərindən təsirlənərək Mauqli personajını yaradıb.

• Məşhur müğənni könüllü qismində iştirak edib - Xərçənglə mübarizədə
• "İnanmasan, olmalı olan əsla olmayacaq..." - Xulio Kortasarın "Xana- xana oyunu" romanından bir hissə
• Xalq artisti Zaur Rzayev xəstəxanaya yerləşdirildi