Mərakeş Krallığının Azərbaycandakı Səfirliyi hər il 25 may tarixində qeyd olunan Afrika Günü münasibətilə II “Afrika Kinosu Günləri” keçirir. Tədbir 23–25 may tarixlərində, Landmarkın III Kino Zalında baş tutacaq.
Kulis.az xəbər verir ki, “Afrika Kinosu Günləri” Mərakeşdəki Xuribqa Beynəlxalq Afrika Film Festivalı Fondunun dəstəyi və Landmark Kompleksi ilə tərəfdaşlıq çərçivəsində həyata keçirilir.
Kino günlərinin əsas məqsədi Afrika qitəsinin zəngin mədəniyyətini, kino sənətini və müxtəlifliklərini Azərbaycan ictimaiyyətinə və kino mütəxəssislərinə tanıtmaqdır. Təşkilatçılar, kino vasitəsilə Afrika mədəniyyətlərinin zənginliyini və müxtəlifliyini nümayiş etdirməyə, eyni zamanda Afrika ilə Azərbaycan arasında mədəniyyətlərarası dialoqun inkişafına töhfə verməyə çalışır.
II “Afrika Kinosu Günləri”ndə Azərbaycanda diplomatik nümayəndəliyi olmayan altı Afrika ölkəsinə – Kamerun, Mali, Mozambik, Tanzaniya, Zambiya və Zimbabve – diqqət yetiriləcək.
Azərbaycanlı tamaşaçılar, üç gün ərzində beynəlxalq festivallarda diqqət görmüş, mükafatlara layiq görülmüş altı müasir Afrika filminə baxmaq imkanı əldə edəcəklər.
Nümayiş olunacaq filmlər aşağıdakılardır:
Tanzaniyadan: “ZAMORA” (2013), rejissor: Şams Bhanji;
Malidən: “YEELEN” (1987), rejissor: Süleymane Cisse;
Mozambikdən: DUZ VƏ ŞƏKƏR QATARI (2016), rejissor: Liçinio Azevedo;
Zambiyadan: “MARİYA KRISTU” (2021), rejissor: Paul Vilo;
Kamerundan: “DƏFN OLUNMUŞ” (2020), rejissor: Fransua Ellong;
Zimbabvedən: “TOZ VƏ TALELƏR” (2013), rejissor: Yustis Mokoena Chapvanya.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər