Bu gün fransız yazıçı, şair və siyasətçi Alfons de Lamartinin doğum günüdür.
Kulis.az onun əsərlərindən sitatları təqdim edir.
Bəzən bircə insan çatışmır və bütün dünya kimsəsiz görünür.
***
Çox səyahət edən, düşüncələrinin və həyatının axarını iyirmi dəfə dəyişən insandan daha yetkini yoxdur.
***
Sevilmək xatirinə sevmək insani, sadəcə sevmək xatirinə sevmək isə mələklərə məxsus bir duyğudur.
***
Xalqın nümayəndələrini gördükcə köpəklərimə daha çox heyran oluram.
***
Tarix hər şeyi, hətta gələcəyi belə öyrədir.
***
Tanrısız vicdan hakimsiz məhkəməyə bənzəyir.
Qadının gücü zərifliyə bürünəndə ən təsirli həddinə çatır.
***
Musiqi qəlbin ədəbiyyatıdır; o, sözün bitdiyi yerdən başlayır.
***
Qoy bu ötəri andan zövq alaq. İnsanın sığınacaq limanı, zamanın isə sahili yoxdur; o, sürətlə axıb gedir və bizi də özü ilə aparır.
***
Vəhşilik sivilizasiyanın ifrat həddə çatması ilə yenidən baş qaldırır.
***
Biri heyvanlar, digəri isə insanlar üçün olan iki ayrı qəlbimiz ola bilməz. Birincilərə qarşı qəddarlıqla ikincilərə qarşı amansızlıq arasında qurbandan savayı heç bir fərq yoxdur.
***
Qadınlarda bizi cəlb edən zahiri görünüş deyil, qəlbin məziyyətləri olmalıdır; çünki birincilər keçici, ikincilər isə qalıcıdır. Sevimli qadınlar da qızılgül kimidir, gözəlliklərini itirdikdən çox sonra belə ətirlərini qoruyub saxlayarlar.
***
Əgər insanın dünyaya bircə baxışlıq ömrü olsaydı, o baxışı İstanbula yetirməli idi.
***
Təbiətcə məhdud, arzularında isə sonsuz olan insan səmanı xatırlayan süqut etmiş bir Tanrıdır.
***
Mübahisə məntiqli olduğu qədər nəzakətli də olmalıdır.
***
Kədər iki qəlbi xoşbəxtlikdən daha sıx tellərlə bağlayır; ortaq iztirablar birgə sevinclərdən qat-qat möhkəm körpüdür.
Sevgi hər bir qəlbin tilsimli dan yeridir.
***
Ən təsirli cilvə günahsızlıqdır.
***
Sevinc yalnız ünsiyyətlə canlı qalan bir alovdur, paylanılmadıqda isə sönüb gedər.
***
Bizim heyvanlar üçün ayrı, insanlar üçün ayrı iki ürəyimiz yoxdur; bizim ya bircə ürəyimiz var, ya da heç yoxdur.
***
Utopiyalar çox vaxt vaxtından əvvəl dilə gətirilmiş həqiqətlərdir.
Tanrı qadınların dühasını onların qəlbinə yerləşdirmişdir, çünki bu dühanın bəhrələri hər zaman sevgi əsərləridir.
***
Həqiqi sevgi bütöv bir ömrün yetişmiş meyvəsidir.
***
Poeziya bütün əsrlər boyu bəşəriyyətin himayədar mələyi olmuşdur.
***
Təcrübə müdriklərin yeganə öncəgörməsidir.
Türk dilindən tərcümə etdi: Aydan Ağayeva
Ana səhifə
Reels
Yazarlar
Xəbərlər