Danimarkalı rəssam Yens Qalşiot Donald Trampı çılpaq formada təsvir edən "Narıncı vəba" adlı satirik əsərini noyabrda Türkiyənin Antalya şəhərində keçiriləcək BMT-nin İqlim Dəyişiklikləri Konfransı ("COP31") çərçivəsində nümayiş etdirməyi hədəfləyir.
Kulis.az xəbər verir ki, hazırda Fransanın Strasburq şəhərindəki Avropa Parlamentinin binasında sərgilənən 2.6 metrlik heykəl bundan əvvəl Braziliyadakı "COP30" tədbirində də yer alıb.
"Ədalətsizlik kralı" adı ilə də tanınan 23 əyarlıq qızıl suyuna çəkilmiş heykəldə Tramp kiçik bir adamın çiynində oturmuş halda təsvir olunub.
Bir əlində qolf çubuğu, digərində ədalət tərəzisi tutan fiqur Hans Kristian Andersenin "Kralın çılpaq libası" nağılına və Trampın iqlim siyasətinə ironik istinad edir.
Qalşiot bu kompozisiya ilə siyasi liderlərin məsuliyyət və kömək bəyanatları ilə real əməlləri arasındakı ziddiyyətə və sərvətin arxasında gizlənən hakimiyyət ədalətsizliyinə diqqət çəkir.
Ana səhifə
Reels
Yazarlar
Xəbərlər