Ərəb dünyasının ən böyük kitab sərgilərindən biri olan Şarja Beynəlxalq Kitab Sərgisi bu il 45-ci dəfə keçiriləcək.
Kulis.az xəbər verir ki, noyabrın 4-dən 15-dək davam edəcək sərgidə 124 ölkədən 2673 nəşriyyat iştirak edəcək.
Təşkilatçılar tədbir çərçivəsində 1500-dən çox mədəni proqram və görüşün keçirilməsini nəzərdə tuturlar.
Bu ilin mövzusu “Made of Stories” – “Hekayələrdən yaranmışıq”dır. Sərginin fəxri qonağı Oman olacaq. Proqramda 25 ölkədən 106 yazıçı, rəssam və fikir adamının iştirakı planlaşdırılır. Qonaqlar arasında yazıçı Nnedi Okorafor, Klar Makintoş, Lyu Çjenyun, tərcüməçi Deyzi Rokvell və Con Vaylant kimi adlar var.
Şarja sərgisi təkcə kitab satışından ibarət deyil, müəllif görüşləri, müzakirələr, təqdimatlar və müxtəlif ölkələrin ədəbiyyatını tanıdan tədbirlər də proqramın mühüm hissəsidir. Regionda nəşriyyat və kitab sənayesinin inkişafı baxımından bu tədbirin xüsusi çəkisi var.
Ana səhifə
Reels
Yazarlar
Xəbərlər