Bütün dövrlərin ən böyük qaçış ustası və sehrbazlarından sayılan Harri Houdininin vəfatının 100-cü ildönümü münasibətilə onun anadan olduğu Macarıstanın paytaxtı Budapeştdə dördgünlük xatirə tədbirləri başlayıb.
Kulis.az xəbər verir ki, "Houdini 100" proqramı çərçivəsində əfsanəvi sənətçinin şərəfinə relyef açılışı, sehrbazlıq auksionu, sirk şouları və film festivalı təşkil olunur.
Budapeştdəki "Houdini Haz" muzeyinin qurucusu Devid Merlini bildirib ki, yubiley tədbirlərinə dünyanın müxtəlif yerlərindən xüsusi qonaqlar iştirak edib.
Onların arasında Harri Houdininin qardaşı nəvəsi, sənətçinin həyatda olan yeganə varisi Corc Hardin, məşhur sehrbaz ailəsinin nümayəndəsi Gey Bləkston və sehrbazlıq üzrə dünya çempionu Piter Qlovitski yer alıb.
1874-cü ildə Budapeştdə dünyaya gələn və uşaq yaşlarında ailəsi ilə ABŞ-yə köçən Houdini kilidli çənlərdən, qandallardan və su dolu kameradan möcüzəvi qaçışları ilə "Qandallar kralı" adını qazanmışdı.
Qeyd edək ki, 31 oktyabr 1926-cı ildə mistik şəkildə vəfat edən sənətçinin ölüm səbəbi rəsmi olaraq kor bağırsağın partlaması göstərilsə də, onun ruhi seansları və saxta mühitləri ifşa etdiyi üçün zəhərləndiyi iddiaları da bu günə qədər öz sirrini qoruyur.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər