Böyük Britaniyanın nüfuzlu musiqi festivalı olan "Glastonbury 2027"nin ümumi giriş biletləri satışa çıxdıqdan cəmi 42 dəqiqə sonra bitib.
Kulis.az xəbər verir ki, 23-27 iyun 2027-ci il tarixlərində baş tutacaq festivalın bilet qiyməti tarixdə ilk dəfə 400 funt sterlinq həddini keçərək 408 funt (təxminən 480 avro) olub.
Bu qiymət artımı sosial şəbəkələrdə musiqisevərlərin kəskin narazılığı ilə qarşılanıb.
Musiqi proqramı hələ rəsmən açıqlanmasa da, ehtimallar arasında Sem Fender, Teylor Svift, Rihanna, "The Rolling Stones" və "Radiohead" kimi məşhur adların siyahıda olduğu bildirilir.
Festivalın təşkilatçısı Emili İvis əsas səhnə ulduzları ilə müqavilələrin bağlandığını diqqətə çatdırıb.
Qeyd edək ki, bilet ala bilməyənlər üçün növbəti satış mərhələsi 2027-ci ilin yazında təşkil olunacaq.
Ana səhifə
Reels
Yazarlar
Xəbərlər