Boks tarixinin ən böyük simalarından Məhəmməd Əlinin həyatı bu dəfə serial formatında ekranlaşdırılır.
Kulis.az xəbər verir ki, “The Greatest” adlı səkkizseriyalı ekran işi noyabrın 4-də “Prime Video” platformasında yayımlanacaq.
Layihə Əlinin irsi və ailəsinin rəsmi razılığı ilə hazırlanan ilk bədii serial kimi təqdim olunur.
Baş rolu Kalen Best canlandırır. Serialda Əlinin təkcə rinqdəki qələbələri deyil, şəxsiyyətinin formalaşması, ictimai mövqeyi, ailə münasibətləri və Amerika cəmiyyətində tutduğu yer də araşdırılır.
Aktyor heyətində Malkolm X obrazını canlandıran Maykl İli, məşqçi Ancelo Dandi rolunda Covanni Ribizi və digər tanınmış aktyorlar var.
Layihənin icraçı prodüserlərindən biri Məhəmməd Əlinin həyat yoldaşı Loni Əlidir. Bu detal serialın sadəcə məşhur idmançının bioqrafiyasına əsaslanan növbəti ekran işi olmadığını göstərir: yaradıcı heyət onun şəxsi həyatına və ailə yaddaşına da çıxış əldə edib.
Ana səhifə
Reels
Yazarlar
Xəbərlər