Kulis.Az yeni layihəyə başlayır. “Baxılası 50 film” layihəsində dünya kino tarixinin möhtəşəm filmlərindən danışılacaq. Budəfəki yazı Amerika rejissoru Con Fordun “Dilincan” filmi haqqındadır.

Amerikalı rejissor Con Ford (1894-1973) 50 illik fəaliyyəti zamani 130-a yaxın film ekranlaşdırıb. “Vesternlər kralı” adlanan Ford müxtəlif kinojanrlarda işləyib. Rejissurasna görə 4 Oskar almış (“Xəbərçi”, “Sakit adam”, “Mənim vadim o qədər yaşıl idi ki...”, “Qəzəb salxımları”) yeganə adamdır.

1939-cu ildə lentə aldığı “Dilican” ( dilican- dördtəkərli minik arabası, filmin orijinal adı: “Stagecoach”) filmi ilə Con Ford vestern janrına yeniliklər gətirdi.

Əvvəla bu, Monument Vadisində (Amerikanın milli simvollarından biri sayılır) çəkilmiş ilk vesterndir.

O illərdə filmlərin çoxu pavilyonlarda, süni landşaftlarda çəkildiyi vaxtda Ford təbii fona üstünlük verdi. Üstəlik, prodüserin tələblərinə baxmayaraq ulduz aktyorları çəkməkdən imtina etdi. Filmi vestern janrına xas olmayan psixologizmlə yüklədi, onu yüngül maneradan, macəraçılıqdan çıxartdı.

Film vestern janrının klassik nümunələrindən sayılır. Məhz “Dilican”dan sonra “B” kateqoriyasına enmiş vestern janrının nüfuzu qayıtdı.

Orson Uellesin dediyinə görə, o, bu filmə dəfələrlə baxaraq kino çəkməyi öyrənib.

Film həm də yapon rejissoru Akira Kurosavanın yaradıcılığına təsir edib.

“Dilican” İnqmar Berqmanın və Umberto Ekonun sevdiyi sevdiyi filmlərəndir.

Qısa məzmun:

XIX əsrin sonu. Dilicanda bir neçə adam şəhərcikdən Nyu Meksikoya yola düşür. Hər obraz simvolik məna daşıyır: qorxaqlıq, xeyirxahlıq, haram, humanizm, əxlaqsız, hamilə qadın.

Filmə burdan baxa bilərsiz.

• Tanınmış ssenarist, şair Alla Axundova vəfat etdi
• Qızı niyə Yaşar Nurinin məzarını ziyarət etmirdi? - Xalq artisti haqqında bilinməyənlər
• Dünya kinosunun "Anna Karenina"sı - Qreta Qarbonun məşhur rolları