Kristofer Nolanın maraqla gözlənilən yeni "Odisseya" filminin ilk həftəsi uğurlu keçib.
Kulis.az xəbər verir ki, Mett Deymonun baş rolda yer aldığı ekran işi Şimali Amerikada ön nümayişlərlə birlikdə ilk günündə təxminən 51 milyon dollar gəlir əldə edib.
Təxminlərə görə, filmin ABŞ və Kanadada ilk həftəsonunda 120 milyon dollar, dünya miqyasında isə 250 milyon dollardan çox açılış gəlirinə çatacağı proqnozlaşdırılır. Bu təxminlər reallaşarsa, "Odisseya" Kristofer Nolanın karyerasında ən yüksək açılış gəliri əldə edən film olacaq.
Film yayımlanmazdan əvvəl də bilet satışları ilə diqqət çəkib. "Business Insider"ın məlumatına görə, ekran işinin ön satışları 2022-ci ildən bəri AMC-də bir studiya filmi üçün ən yüksək ilk gün satışına çatıb. Güclü tələbat səbəbindən bir çox IMAX və 70 mm nümayişlərinin biletləri günlər əvvəldən tükənib.
Təxminən 250 milyon dollarlıq büdcə ilə çəkilən "Odissey" Homerin dastanını Kristofer Nolanın şərhi ilə ekranlara daşıyır. Filmdə Mett Deymona Tom Holland, Zendaya, Enn Heteuey, Robert Pattinson, Şarliz Teron və Lupita Nionqo yoldaşlıq edir. Ekran işi Nolanın tamamilə IMAX formatında çəkilən ilk tammetrajlı filmi olmaq xüsusiyyətini də daşıyır.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər