Daha çox Mixael Mendl adı ilə tanınan almaniyalı aktyor Mixael Zandrok 82 yaşında dünyasını dəyişib.
Kulis.az xəbər verir ki, bu barədə Almaniyanın BR24 teleradio şirkəti sənətçinin agentinə istinadən məlumat yayıb.
"Mixael Mendl hüznü: aktyor 82 yaşında həyatdan köçdü", – deyə rəsmi məlumatda qeyd olunur.
Mixael Zandrok 20 aprel 1944-cü ildə Almaniyanın Lünen şəhərində anadan olub. O, katolik keşişin nikahdankənar oğlu idi. Aktyorun özünün dediyinə görə, atası vaxtilə anasına evlənməyə söz versə də, sonradan onu tərk edərək başqa qadının yanına gedib.
Sənətçi Essendəki məşhur Folkvanq İncəsənət Universitetini bitirib. Uzunmüddətli karyerası ərzində 200-dən çox film və serialda rol alıb. Xüsusilə, Mendl 2004-cü ildə ekranlara çıxan məşhur "Bunker" (Der Untergang / Downfall) filmində Vermaxt generalı və Berlinin müdafiə komandanı Helmut Veydlinq obrazını ustalıqla canlandırması ilə yaddaşlara həkk olunub. Aktyor həmçinin "Hakimiyyətin kölgəsində" (Im Schatten der Macht) siyasi dramında Villi Brandt roluna görə də tanınırdı və bu işinə görə nüfuzlu "Qızıl kamera" (Goldene Kamera) mükafatına layiq görülmüşdü.
2024-cü ildə Zandrok kino sənətinin inkişafına verdiyi töhfələrə görə "Götz George" mükafatı ilə təltif edilib. 2025-ci ildə isə sənətçiyə dəri xərçəngi diaqnozu qoyulmuşdu. Mərhum aktyorun üç övladı və bir nəvəsi yadigar qalıb. Xəbər kino rubrikasında yer alır.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər