Azərbaycan Respublikasının Gənclər Fondunun “Konstitusiya və Suverenlik İli” çərçivəsində elan etdiyi qrant müsabiqəsinin qalibi olan “Ad günü şamları” tammetrajlı sənədli filmi və onun nümayişi layihəsinin icrasına başlanılır.
Kulis.az xəbər verir ki, layihə çərçivəsində adıçəkilən filmin gənclər, yeniyetmələr üçün dörd xüsusi – qapalı nümayişi nəzərdə tutulur.
Bu film, İkinci Qarabağ müharibəsinə könüllü yollanan, döyüşlər zamanı öz doğum günündə hər iki gözünü itirən qazi Kamran Baxşızadənin həyatından, ümidlərindən, müharibədən sonrakı həyat əzmindən və mübarizəsindən bəhs edir.
Nümayişlər ərzində tamaşaçılarla filmin müzakirəsi də nəzərdə tutulur. Nümayişlərin keçirilməsində əsas məqsəd gənc nəsildə vətənpərvərliyin təbliği ilə yanaşı, gənc kinematoqrafçılar və onların işləri, müasir Azərbaycan kinosu ilə gənc və yeniyetmələri yaxından tanış etmək, xüsusilə sənədli kino mədəniyyətinin formalaşmasına töhfə verməkdir.
Filmin quruluşçu rejissoru Murad Allahverdi, prodüserləri Afaq Yusifli, Murad Allahverdi, Nicat Dadaşov, Tural Əhmədsoy, quruluşçu operatorları Oktay Namazov, Murad Allahverdi, Afaq Yusifli, xətti prodüseri Elşad Rzayev, bəstəkarı Nigar Süleyman, montaj rejissoru Oktay Namazov, səs rejissoru Nadir Mahmudov, koloristi Edka Kızıltepedir.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər