Amerika Kino Akademiyasının idarə heyəti epidemiya səbəbiylə iki həftə ertələnən yekun iclasını dünən gecə onlayn həyata keçirib. İclas zamanı Oskar mükafatlarına hansı filmlərin qatıla biləcəyi və kateqoriyalarla bağlı mühüm qərarlarlar alınıb.

Kulis.az xarici mediaya istinadən xəbər verir ki, alınan qərarlardan biri epidemiya səbəbindən bu il kinoteatrlarda nümayiş olunmayan filmlərin Oskar yarışına daxil olunmasına izn verilməsidir. Akademiya tərəfindən alınan bu keçici qərar çərçivəsində, birbaşa rəqəmsal platformalarda yayımlanan filmlər də Oskar uğrunda yarışa biləcək. Amma hər şey normal vəziyyətinə qayıdandan sonra rəqəmsal platformalarda yayımlanan filmlərin sonradan kinoteatrlarda nümayişinə gərək qalmayacaq.

Akademiyanın iclasında alınan digər qərarlar arasında, artıq Ən yaxşı səs effekti, Ən yaxşı səs miksajı kimi kateqoriyaların olmayacağı da yer alıb. Bu iki kateqoriya birləşdiriləcək və mükafatlandırma mərasimində verilən mükafatların sayı 23-ə enəcək.

Həyata keçirilən dəyişikliklərdən biri isə Ən yaxşı beynəlxalq film kateqoriyasında ilk mərhələdəki səsvermə bütün Akademiya üzvlərinə açıq elan olundu. Ancaq üzvlərin bu kateqoriyada namizədlər təyin olunarkən səs verə bilməsi üçün bəlli sayda film izləmiş olması lazım olacaq.

Ən yaxşı film musiqisinin dəyərləndirilməsi üçün musiqinin ən az 60 faizinin, davam filmlərində və serial şəkilində olan ekran işlərində isə musiqinin 80 faizinin xüsusi olması lazımdır.

Digər tərəfdən Qızıl Kürə mükafatı verən Hollivud Xarici Mediya Birliyi(HFPA) də dünən bənzər qərarlar qəbul edib. Filmlərin dəyərləndirilə bilməsi üçün Los-Ancelesdəki bir salonda HFPA üzvlərinə ayrıca nümayiş təşkil olunması məcburiyyəti aradan qaldırılıb. Bunun əvəzinə HFPA üzvlərinə filmlərin linkləri və ya disklərinin göndərilməsi yetərli olacaq. Bundan başqa verilən bir qərara görə isə martın 15-dən sonra nümayişi planlaşdırılan bütün filmlər, nümayiş olunub- olunmamasına baxmayaraq dəyərləndiriləcək.

• Mikayıl Ruhandın kitabı çap olundu
• "Həyat və qadın Tanrının ən qiymətli hədiyyəsidir..." - Artur Millerdən sitatlar
• Mehriban Əliyeva "Qağayı" tamaşasının təqdimatında iştirak etdi