2025 "Beynəlxalq Booker" mükafatının uzun siyahısı elan edilib.

Kulis.az xəbər verir ki, bu mükafat hər il dünya ədəbiyyatından ingilis dilinə tərcümə edilmiş əsərlərə verilir.

Qalib gələn kitab 50 min funt-sterlinq mükafat alacaq və bu məbləğ müəlliflə tərcüməçi(lər) arasında bərabər bölüşdürüləcək. Qısa siyahıya daxil olan hər bir əsər isə 5 min funt-sterlinq mükafat qazanacaq.

Builki münsiflər heyətinə yazıçı Maks Porter rəhbərlik edir. Heyətdə həmçinin mükafat qazanan şair, fotoqraf, tanınmış tərcüməçilər və müğənni-bəstəkar Bet Orton da var. Müxtəlif perspektivlərə sahib oxucular qrupu rekord sayda – 154 əlyazma arasından seçim ediblər.

13 kitabdan 11-i 250 səhifədən azdır. Siyahıda yer alan bütün müəlliflər "Beynəlxalq Booker" mükafatına ilk dəfə namizəd göstərilir. Bundan əlavə, mükafat tarixində ilk dəfə Kanada və Rumın dillərindən tərcümə olunmuş kitablar uzun siyahıya daxil olub.

Uzun siyahıya daxil olan kitablar:

"Bəbir dərisindən papaq", Ann Serre, tərcüməçi: Mark Haçinson

"Bir qadının çılğınlığı", Astrid Römer, tərcüməçi: Lusi Skott

"Ürək lampası", Banu Mushtaq, tərcüməçi: Dipa Basthi

"Mükəmməllik", Vinçenso Latroniko, tərcüməçi: Sofi Hyuz

"Avrozibil", Kristian Kraxt, tərcüməçi: Daniel Bouls

"Böyük quşun gözü altında", Hiromi Kavakami, tərcüməçi: Asa Yoneda

"Qozbellər", Saou İçikava, tərcüməçi: Polli Barton

"Kiçik qayıq", Vinsent Delakrua, tərcüməçi: Helen Stivenson

"Su anbarının qızları", Dahlia de la Serda, tərcüməçilər: Culiya Sançes və Hether Kliri

"Solenoid", Mirça Kartaresku, tərcüməçi: Şon Kotter

"Qapının arxasında bir canavar var", Qael Belem, tərcüməçi: Karen Flitvud

"Həcmin hesablanması I", Solvei Balle, tərcüməçi: Barbara C. Haveland

"Yoxa çıxma kitabı", İbtisam Azem, tərcüməçi: Sinan Antun

Qeyd edək ki, qısa siyahı aprelin səkkizi açıqlanacaq.

• Tramp Vaşinqtonun heykəlinin ucaldılmasını tələb etdi
• Ekskursiya - Orxan Həsəninin yeni hekayəsi
• Roş-Ha-Şana təntənəsi, Şuşa qalasının vitrajı, qədim Tövrat nüsxələri - Dağ yəhudilərinin sinaqoqundan reportaj