Kulis.Az Könül Həsənqulunun yeni şeirlərini təqdim edir.
Qaranlıq
gecənin
silahları susdurub - köndələn yıxan saatlarıdı...
bax
ovuclarıma sıxmışam
başımın üstündə qaynaşan qara qarğaların
kin vurnuxan qanadlarını
və susdurmuşam
susdurmuşam içimdə
Züleyxanın qara zindan misalı
Yusifə zülm edən məkrini
ağrılarını
gecənin
kor qaranlığıdı
gəl
Ayı –
dağların ətəyinə
Günəşi –
bir körpənin əllərinə tapşırmışam
tutsunlar
saxlasınlar sabahacan
Kiçik formatda küçə
küçədə əl izləri var –
çəkilib üzüaşağı
həzin bir sığal
damlarda göz yaşları...
ordasa yaydı
ovcunda tutub bir kişi üst-üstə iki çörək
sol qolunda saatı
əlində
qara eynək
çörəyin üstündəsə
qat-qat öpüş izləri –
anamın dodaqları
bu –
sənin fotoşəklindir
ata!
Unforgettable
mən kafelərdəki jazz`ı sevirdim
sənsə içalatı
inan ki, indi
unuda bilmədiyim bir şey varsa –
o da bəmbəyaz
bahalı boşqabın içindəki qanlı
ucuz
toyuq içalatıdı!
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər