Mədəniyyət və Turizm Nazirliyi “Qızıl Kəlmə” Ədəbi Mükafatını elan edib.
Nazirlikdən APA-ya verilən məlumata görə, mükafat 2014-2015-ci illər üzrə yüksək bədii və sənətkarlıq keyfiyyətlərinə malik ədəbi əsərləri dəyərləndirmək, təbliğ etmək, istedadlı ədiblərin səmərəli yaradıcılıq axtarışlarına zəmin yaratmaq məqsədi ilə elan olunub.
Mükafat nəsr əsərləri (roman, povest, hekayə və hekayələr silsiləsi), poeziya əsərləri (poema, şeirlər və mahnı mətnləri), tənqid, ədəbiyyatşünaslıq və publisistika əsərləri, orijinaldan bədii tərcümə əsərləri, uşaqlar üçün yazılmış bədii əsərlər üzrə elan olunub.
Göstərilən ədəbi janrlarda yaradılıb, son 2 ildə kitab və ya jurnalda çap edilmiş əsərlər təqdim oluna bilər. Mükafata təqdim edilən namizədlər üçün yaş məhdudiyyəti yoxdur, mükafat iki ildən bir may ayının ilk ongünlüyündə verilir.
Mükafat rəmzi simvol (döş nişanı), diplom və pul mükafatından ibarətdir.
Namizədlərin irəli sürülməsinə dair elan mətbuatda dərc edildikdən sonra yaradıcılıq təşkilatları, nəşriyyat, redaksiyalar və əvvəllər mükafata layiq görülmüş şəxslər namizəd irəli sürə bilərlər.
Bir təşkilat, şəxs mükafata hər nominasiya üzrə yalnız bir namizəd təqdim edə bilər.
İşlər fevral ayının 16-dan aprelin 20-si son təqdimat günü olmaqla Mədəniyyət və Turizm Nazirliyinə təqdim olunmalıdır.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər