Ədəbi tənqid

Mən hələ də məktəbə gedirəm

Mən hələ də məktəbə gedirəm
28 oktyabr 2012
# 12:04

Hər səhər oğlumu dərsə aparıram. Əslində onun sinif yoldaşları artıq özləri sərbəst gedirlər dərsə. Mənsə hələ ki, özümlə getməsini istəyirəm. Axı biz yolda həm də söhbət edirik...

Metroda sakit, qayğılı görünən bir nənə camaatın arası ilə gəzib dilənirdi. Adamları yara-yara iki dəfə bizə də sürtünməklə yanımızdan keçdi. Oğlum onu müşahidə edirdi.

-Nə fikirləşirsən?-soruşdum.

Oğlum:

-Məncə bu pulu olmayan dilənçidir.

-Amma vəziyyəti o qədər də ümidsiz deyil.

-Niyə?

-Çünki o vaqonda, bu basdırıqda adamları narahat edərək gəzib pul istəyə bilir.

-Bundan pisi necə olardı?

-Məsələn, mənim anam dilənçi olsaydı, o dalda bir küçədə, gözdən uzaq bir daşın üstündə oturub bütün günü utanmaqla məşğul olardı...

-Nə yaxşı ki, olmayıb...

-Əslində bu dünyada bütün insanlar dilənçidilər. Heç kimdən heç nə istəməyən də bəxtinin cibindən gözünü çəkmir. Əl açıb onun mərhəmətini gözləyir...

-Kim nə qazanır...

- Deyəsən, sən qazanırsan hər səhər mənimlə yol gedib danışmaqdan...

-Hələ mənə pul da verirsən.

-Hələ sənə pul da verirəm...

-Pul demişkən, ata, bəs o nənənin çörəkpulu yoxdursa, əynindəki paltarı hardandı?

- Görünür, indi məmləkətdə paltar tapmaq çörək tapmaqdan asandı...

P.S. Dedim axı, hər səhər mən oğlumla məktəbə gedirəm. Və biz çox şey öyrənirik...


www.facebook.com/ilqar.rasul

İlqar Rəsul
İlqar Rəsul
# 5250 dəfə oxunub

Oxşar xəbərlər

"Şura hökümətinə bəslənən ümidlərin boşa çıxması..." - Səməd Vurğun Hüseyn Cavid haqqında nə yazırdı?

"Şura hökümətinə bəslənən ümidlərin boşa çıxması..." - Səməd Vurğun Hüseyn Cavid haqqında nə yazırdı?

17:00 25 sentyabr 2026
Ədəbiyyatın görünən üzü aldadıcıdır – Bir hekayənin arxasındakı ikinci dünya

Ədəbiyyatın görünən üzü aldadıcıdır – Bir hekayənin arxasındakı ikinci dünya

13:00 24 sentyabr 2026
"Yazıçılar Birliyinin 3000 üzvündən hansı sabun köpüyüdür?" - Azərbaycan ədəbiyyatının ən çox şişirdilmiş əsərləri haqqında

"Yazıçılar Birliyinin 3000 üzvündən hansı sabun köpüyüdür?" - Azərbaycan ədəbiyyatının ən çox şişirdilmiş əsərləri haqqında

12:00 24 sentyabr 2026
İnsan torpağı itirəndə, əslində, nəyi itirir? - "Torpağın ruhu" haqqında

İnsan torpağı itirəndə, əslində, nəyi itirir? - "Torpağın ruhu" haqqında

13:25 23 sentyabr 2026
“Öldür və qoy ölsün” ideologiyasına qarşı “Yaşa və qoy yaşasın” şüarı... - Müharibə romanları necə olmalıdır?

“Öldür və qoy ölsün” ideologiyasına qarşı “Yaşa və qoy yaşasın” şüarı... - Müharibə romanları necə olmalıdır?

12:00 23 sentyabr 2026
Alter-eqosu haqqında əsərləri ilə məşhurlaşan yazıçı - Markes yaxın dostu Alvaro Mutisi necə adlandırmışdı?

Alter-eqosu haqqında əsərləri ilə məşhurlaşan yazıçı - Markes yaxın dostu Alvaro Mutisi necə adlandırmışdı?

10:00 22 sentyabr 2026
#
#
Ana səhifə Reels Yazarlar Xəbərlər