Ədəbi tənqid

Cavid Zeynallı üçün

Cavid Zeynallı üçün
24 yanvar 2014
# 14:46



...
Dostumun romanında yaşayacaq adın...
Belə də olmalıydı,
Adın əldən ələ gəzməliydi,
Adını əzbərləməliydi hamı.
Adın mənim sözümüydü -
Mənim sözümü deməliydilər,
Yeməliydilər mənim payımı.
Hələ bu harasıdı,
Adını bütün adlardan seçməliydilər,
Lövhələrə yazmalı,
Məktəblərdə oxutmalı,
Adını biləndən sonra üst sinfə keçməliydilər.
Adından danışmalıydı bütün el-oba,
Bir adın başına dolanmalıydı eşq pərvanələri,
Meyxanələri bürüməliydi adına deyilən tostlar,
Dostlar yığışıb adına nəğmə qoşmalıydılar,
Coşmalıydılar adını eşidəndə qəmlilər,
Vərəmlilər şəfa tapmalıydı adından,
Yadından çıxmamalıydı adın bir kəsin,
Nəfəsin gəlib-getmə səbəbi olmalıydı o,
Haş iki O, yəni iki hidrogen, bir oksigenə,
Genə, qana, yaddaşa hopmalıydı
Daşa hopmalıydı.
Dostumun romanında yaşayacaq adın...
Görəcəksən,
Dostumun romanı əldən ələ gəzəcək,
Kitabını əzbərləyəcək hamı,
Dostumun kitabı məktəblərdə tədris olunacaq,
Bütün el-oba onun kitabından danışacaq.
Yığışacaq başına dostlar,
Tostlar deyiləcək nəğmə dolu, gülməli.
Ölməli bir adam qalib gələcək əcələ,
Elə dostumun kitabını oxuyan kimi,
Duyan kimi ürəyinin havasını. nəfəsini,
Səsini eşidən kimi qayıdacaq həyata,
Kainata, genə, qana, yaddaşa.
Daşa yazılacaq dostumun kitabı,
Tarixə qazılacaq.
Mən unutsam da, nə dəyişəcək?
Dostumun romanında yaşayacaq adın,
Görəcəksən,
Dostum böyük yazıçı olacaq!..

Elvin Bakiroğlu
Elvin Bakiroğlu
# 3038 dəfə oxunub

Oxşar xəbərlər

"Şura hökümətinə bəslənən ümidlərin boşa çıxması..." - Səməd Vurğun Hüseyn Cavid haqqında nə yazırdı?

"Şura hökümətinə bəslənən ümidlərin boşa çıxması..." - Səməd Vurğun Hüseyn Cavid haqqında nə yazırdı?

17:00 25 sentyabr 2026
Ədəbiyyatın görünən üzü aldadıcıdır – Bir hekayənin arxasındakı ikinci dünya

Ədəbiyyatın görünən üzü aldadıcıdır – Bir hekayənin arxasındakı ikinci dünya

13:00 24 sentyabr 2026
"Yazıçılar Birliyinin 3000 üzvündən hansı sabun köpüyüdür?" - Azərbaycan ədəbiyyatının ən çox şişirdilmiş əsərləri haqqında

"Yazıçılar Birliyinin 3000 üzvündən hansı sabun köpüyüdür?" - Azərbaycan ədəbiyyatının ən çox şişirdilmiş əsərləri haqqında

12:00 24 sentyabr 2026
İnsan torpağı itirəndə, əslində, nəyi itirir? - "Torpağın ruhu" haqqında

İnsan torpağı itirəndə, əslində, nəyi itirir? - "Torpağın ruhu" haqqında

13:25 23 sentyabr 2026
“Öldür və qoy ölsün” ideologiyasına qarşı “Yaşa və qoy yaşasın” şüarı... - Müharibə romanları necə olmalıdır?

“Öldür və qoy ölsün” ideologiyasına qarşı “Yaşa və qoy yaşasın” şüarı... - Müharibə romanları necə olmalıdır?

12:00 23 sentyabr 2026
Alter-eqosu haqqında əsərləri ilə məşhurlaşan yazıçı - Markes yaxın dostu Alvaro Mutisi necə adlandırmışdı?

Alter-eqosu haqqında əsərləri ilə məşhurlaşan yazıçı - Markes yaxın dostu Alvaro Mutisi necə adlandırmışdı?

10:00 22 sentyabr 2026
#
#
Ana səhifə Reels Yazarlar Xəbərlər