Varis Mədəniyyət nazirliyinin nəsr mükafatını aldı

Ədəbi tənqid

Ana səhifə
Ədəbi tənqid

Varis Mədəniyyət nazirliyinin nəsr mükafatını aldı - SİYAHI

6 may 2011

14:50

Azərbaycan Respublikası Mədəniyyət və Turizm Nazirliyinin “Qızıl Kəlmə” Ədəbi Mükafatının qalibləri bəlli olub. Kulis.az-ın Mədəniyyət və Turizm nazirliyinin rəsmi saytına istinadən verdiyi xəbərə görə müsabiqəyə 25 əsər daxil olmuşdur. Bütün əsərlər münsiflər heyətinin 11 üzvü tərəfindən oxunmuş və 3 may 2011-ci il tarixində Müsabiqə Komissiyasının yekun iclası keçirilmiş, 4 nominasiya üzrə 11 qalib müəyyən edilmişdir.

“Ədəbi-tənqid və publisistika əsərləri üzrə” nominasiyanında xalq yazıçısı Anarın “Unudulmaz görüşlər” əsəri qalib gəlib.

Natiq Rəsulzadə. “Çitayuşiy mısli”, Varis. “Bir ovuc torpaq” romanı nəsr bölməsində mükafata layiq görülüblər.

Poeziya əsərləri nominasiyası üzrə Əjdər Ol. “Yaşa”, Ağacəfər Həsənlinin “Ümidimin adına küçə” şeirlər kitabı ilk yerləri tutub.

Telman Vəlixanlının tərcüməsində F. M. Dostoyevskinin “Karamazov qardaşları” romanı ilə birlikdə Kamran Nəzirlinin “Heç kim heç vaxt ölmür” orijinal tərcümələrdən ibarət kitab tərcümə nominasiyasında rəqiblərini arxada qoyub.