Ədəbi tənqid

Bakıda sevgi yoxdur, kapitalizm var ŞEİRLƏR

Bakıda sevgi yoxdur, kapitalizm var ŞEİRLƏR
15 oktyabr 2012
# 15:35
bilirsən nə pisdir?
dolub ağlamamaq,
göz yaşı udmaq.
soyuq, heykəl kimi
"bəlkə də olardı"
deyib yaşamaq.
hər küçə başında
dayanacaqda,
bir cüt göz axtarmaq,
səni axtarmaq.
bilmirəm neçənci ildönümü
sən gedən günün,
daha çox bezəndə, axşamüstü
intihar etməyə cəsarət etməmək
cəsarət etmək.
bilirsən nə pisdir?
deyəsən nə sən var idin,
nə ayrılmışdıq.

bu gün öləcəm deyəsən

bu gün öləcəm deyəsən,
bu sabahın gecəsi
pis yuxular görmədim.
uşaq kimi yatmışam,
səhərəcən yerimdə.
bu gün öləcəm deyəsən,
pis xəbər eşitmədim.
heç kəs ölməyib bu gün
bu xaraba şəhərdə.

fevralın şaxtasına

küçələrdə donan yox.
bu gün öləcəm deyəsən,
nəsə daha rahatam.
beynimdə oturub,
ayaqlarımı sallamışam
pəncərədən dünayaya.
bu gün öləcəm deyəsən,
küçədə kimi görsəm
gülümsəyir üzümə.
bu gün çox qəribədir,
baxdığım hər qadında
artıq səni görmürəm.
bu gün öləcəm deyəsən.

***

o qədər
gözəl maraqlı
qəfil yağan
payız yağışında
yada düşən
böyük sevgi
xatirələri yoxdur
burda
axmaq adamlar var
məni sevməyən qadının
məni niyə sevmədiyindən
danışırlar uzun-uzadı
cavab verə bilmirəm
nə deyim ?
sən bilirsən
heç mən də
fərli adam deyiləm axı.

***

hər şey yaxşı gedir
hər gün tez dururam,
işə gedirəm,
yeyirəm,
yatıram,
hərdən içirəm.
normal yaşayıram,
adamda insaf olar
pis demək olmaz.
bir kiçik, çox böyük
nəsə əskikdi.
evə göz gəzdirdim,
axtardım
hər şeydən biraz var,
təkcə sən yoxsan.

***

salam xanım
gəlin tanış olaq
bilirəm olmayacayıq
bir də
dünyanı gəzmək istəyirəm
gülməyin, bilirəm
istədiyim hər şey olmur
özümü öldürmək istəyirəm
amma ölmək istəmirəm
yəqin bilirsiniz
belə şeylər hamıda olur
xoşunuz gəlmədi məndən,
bilirəm
xoşunuz gələndə
bazar günü görüşək
başqa günlər vaxtım olmur

***

çox gözəl idi
xanım, sizi sevmək olarmı? -
dedim
pıçıldadı:
Bakıda sevgi yoxdur
kapitalizm var
# 4590 dəfə oxunub

Oxşar xəbərlər

"Şura hökümətinə bəslənən ümidlərin boşa çıxması..." - Səməd Vurğun Hüseyn Cavid haqqında nə yazırdı?

"Şura hökümətinə bəslənən ümidlərin boşa çıxması..." - Səməd Vurğun Hüseyn Cavid haqqında nə yazırdı?

17:00 25 sentyabr 2026
Ədəbiyyatın görünən üzü aldadıcıdır – Bir hekayənin arxasındakı ikinci dünya

Ədəbiyyatın görünən üzü aldadıcıdır – Bir hekayənin arxasındakı ikinci dünya

13:00 24 sentyabr 2026
"Yazıçılar Birliyinin 3000 üzvündən hansı sabun köpüyüdür?" - Azərbaycan ədəbiyyatının ən çox şişirdilmiş əsərləri haqqında

"Yazıçılar Birliyinin 3000 üzvündən hansı sabun köpüyüdür?" - Azərbaycan ədəbiyyatının ən çox şişirdilmiş əsərləri haqqında

12:00 24 sentyabr 2026
İnsan torpağı itirəndə, əslində, nəyi itirir? - "Torpağın ruhu" haqqında

İnsan torpağı itirəndə, əslində, nəyi itirir? - "Torpağın ruhu" haqqında

13:25 23 sentyabr 2026
“Öldür və qoy ölsün” ideologiyasına qarşı “Yaşa və qoy yaşasın” şüarı... - Müharibə romanları necə olmalıdır?

“Öldür və qoy ölsün” ideologiyasına qarşı “Yaşa və qoy yaşasın” şüarı... - Müharibə romanları necə olmalıdır?

12:00 23 sentyabr 2026
Alter-eqosu haqqında əsərləri ilə məşhurlaşan yazıçı - Markes yaxın dostu Alvaro Mutisi necə adlandırmışdı?

Alter-eqosu haqqında əsərləri ilə məşhurlaşan yazıçı - Markes yaxın dostu Alvaro Mutisi necə adlandırmışdı?

10:00 22 sentyabr 2026
#
#
Ana səhifə Reels Yazarlar Xəbərlər