Ədəbi tənqid

Neynirsən orda gözəl qadın?

Neynirsən orda gözəl qadın?
10 oktyabr 2012
# 07:15
LAYİHƏ: Qismətin tərcümələri

Bədii mətni bir dildən başqa dilə çevirmək, bir ağacı böyüdüyü, bar verdiyi torpaqdan, iqlimdən çıxarıb, tamam yad bir iqlimə transfer etməyə bənzəyir. Bu transfer prosesi heç də həmişə yaxşı nəticələr vermir, hətta müəyyən mənada kitab evlərinin vitrinlərindəki tərcümə kitablarını görəndə, adama elə gəlir ki, qupquru ağaclarla dolu bir bağı gəzirsən. Mənim tərcüməçilik iddiam yoxdur, zaman-zaman çevirdiyim mətnləri (istər hekayə olsun, istər şeir, istərsə esse) o mətnin, yaxud o mətni yazan müəllifin çox məşhur olmasına görə çevirməmişəm. Mənim üçün əsas şərt, mətnin ilk növbədə özümə xoş gəlməsi olub. İkincisi, həmin mətni çevirməyə qərar vermişəmsə, (bu artıq o deməkdi o mətni bəyənmişəm) o mətni ən mümkün sadəliklə dilimizə çevirim. Dediyim kimi mənim tərcüməçilik iddiam yoxdur və mətnləri dilimizə mükəmməl çevirmək sevdasına düşmərəm. Ayda bir neçə dəfə Kulis-də oxuyacağınız bu tərcümələri iddialı tərcümə mətnləri kimi yox, günü kitabların arasında keçən bir adamın bəyəndikləri, seçdikləri kimi oxuyun.


Jacques Prevert ( Jak Preve) 1900-1977 - şeirlər.

Xəbər

Bir nəfər
açdı qapını
bağladı qapını
oturdu taburetə
tumarladı pişiyi
meyvəni dişlədi
oxudu məktubu
aşırdı tabureti
açdı qapını
dayanmadan qaçdı
keçdi meşəni
tullandı çaya
öldü xəstəxanada
bir nəfər.

Gül dəstəsi

Neynirsən orda balaca qız
əlindəki təzə-tər çiçəklərlə?
Neynirsən orda gənc qız
əlindəki çiçəklərlə, o qurumuş çiçəklərlə?
Neynirsən orda gözəl qadın
əlindəki o solmuş çiçəklərlə?
Neynirsən orda yaşlı qadın
əlindəki bu ölmüş çiçəklərlə?
Savaşdan qalib qayıdanı gözləyirəm.

Rahatlıq

Ayaq üstə duran külək
oturur
damın kirəmitləri üstündə.

Buyurun görək

Bir matros dənizdən ayrıldı
gəmi limanı tərk etdi

bir kral ayrıldı kraliçadan
bir xəsis ayrıldı qızıllarından
...buyurun görək.

Dul qadın ayrıldı yasdan, hüzrdən
Bir dəli tərk etdi dəlixananı
gülüşün tərk etdi dodaqlarımı
... buyurun görək.

Sən məndən ayrılacaqsan
Sən məndən ayrılacaqsan
Sən məndən ayrılacaqsan
Sən mənə qayıdacaqsan
Sən mənim olacaqsan
Sən mənim olacaqsan.

Bıçaq yaranın olur
Göyqurşağı yağışın
Gülüş gözyaşının
Sığallar təhdidlərin
... buyurun görək.

Və atəş buzun olur
ölüm həyatın olur
Həyat sevginin olur.

Sən mənim olacaqsan
Sən mənim olacaqsan
Sən mənim olacaqsan.
# 2827 dəfə oxunub

Oxşar xəbərlər

"Şura hökümətinə bəslənən ümidlərin boşa çıxması..." - Səməd Vurğun Hüseyn Cavid haqqında nə yazırdı?

"Şura hökümətinə bəslənən ümidlərin boşa çıxması..." - Səməd Vurğun Hüseyn Cavid haqqında nə yazırdı?

17:00 25 sentyabr 2026
Ədəbiyyatın görünən üzü aldadıcıdır – Bir hekayənin arxasındakı ikinci dünya

Ədəbiyyatın görünən üzü aldadıcıdır – Bir hekayənin arxasındakı ikinci dünya

13:00 24 sentyabr 2026
"Yazıçılar Birliyinin 3000 üzvündən hansı sabun köpüyüdür?" - Azərbaycan ədəbiyyatının ən çox şişirdilmiş əsərləri haqqında

"Yazıçılar Birliyinin 3000 üzvündən hansı sabun köpüyüdür?" - Azərbaycan ədəbiyyatının ən çox şişirdilmiş əsərləri haqqında

12:00 24 sentyabr 2026
İnsan torpağı itirəndə, əslində, nəyi itirir? - "Torpağın ruhu" haqqında

İnsan torpağı itirəndə, əslində, nəyi itirir? - "Torpağın ruhu" haqqında

13:25 23 sentyabr 2026
“Öldür və qoy ölsün” ideologiyasına qarşı “Yaşa və qoy yaşasın” şüarı... - Müharibə romanları necə olmalıdır?

“Öldür və qoy ölsün” ideologiyasına qarşı “Yaşa və qoy yaşasın” şüarı... - Müharibə romanları necə olmalıdır?

12:00 23 sentyabr 2026
Alter-eqosu haqqında əsərləri ilə məşhurlaşan yazıçı - Markes yaxın dostu Alvaro Mutisi necə adlandırmışdı?

Alter-eqosu haqqında əsərləri ilə məşhurlaşan yazıçı - Markes yaxın dostu Alvaro Mutisi necə adlandırmışdı?

10:00 22 sentyabr 2026
#
#
Ana səhifə Reels Yazarlar Xəbərlər