Cek Londonun məşhur “Al vəba” əsərinin işıq üzü görməsindən 100 il keçir. Ümumiyyətlə, “Al vəba” yazıçının ən çox oxunan əsəri olub və bu gün də oxunur. 100 il əvvəl əsər sadəcə maraqlı olduğu üçün oxunurdusa, bu gün insanlar onu həm də qorxudan oxuyurlar. Çünki əsərdə Cek London dünya sivilizasiyasının məhvi proqnozunu verib.
Əsərdə 2012-ci ildə yer üzündə baş verən epidemiyadan danışılır. Həmin il Nyu-Yorkdan başlanan al rəngli vəba xəstəliyi bütün yer üzünə yayılır. Hər şey bir neçə günün içində məhv olur. Milyon adamdan ancaq biri sağ qalır. Romandakı hadisələr isə epidemiyadan 60 il sonra baş verənlərdir. Əsərin qəhrəmanı bir qoca kişidir və o, bir vaxtlar San-Fransisko kimi cənnət məkanın yerləşdiyi yerdə, çay kənarında oturub öz nəvələrinə gördüyü dəhşətləri nəql edir.
Qoca əlindəki qəpiyin üstündə 2012-ci il tarixini oxuyub deyir ki, həmin il Maqnatlar Şurası Beşinci Morqanı Birləşmiş Ştatların prezidenti təyin etdilər: “O, Birləşmiş Ştatların sonuncu prezidenti oldu, çünki ondan sonra sivilizasiya məhv oldu. Mən o hadisələrin şahidi olan yeganə adamam”.
“Al vəba” əsərində Cek London təbiətin qara rəngə bürünməsindən, yəni ekologiyanın tamamilə korlanmasından bəhs edir. Buna baxmayaraq yazıçı qeyd edir ki, insanlıq özünün yaratdığı bu problemə hökmən əlac tapacaq.
“Bu al vəba epidemiyası sivilizasiyanı məhv etdi, amma bu da insanlığın xeyrinədir. Yeni sivilizasiya üçün yeni insanlar gələcək dünyaya. Hər şey yeniləşəcək və yer kürəsi yenidən formalaşacaq. Bütün bunlar 2012 -2013-cü illərdə baş verir”. Sitat adı çəkilən əsərdəndir.
Əsərdə qeyd edilir ki, al rəngli ölüm gələndə yer üzündə səkkiz milyard insan varmış.
Bu ilin sentyabrındakı hesablamalara görə yer üzündə 7 milyard 100 min adam yaşayır. Cek Londonun zamanında yer üzündə 1.6 milyard insan olub.
Yazıçı o vaxt heç kimin ağlına gəlməyən, indi insanların istifadə etdiyi mobil telefonlardan, peyk antenalardan danışır. Avropada, ABŞ-ın ayrı-ayrı şəhərlərində əhalinin indiki sayı da dəqiq verilib.
Ramilə QURBANLI
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Oxşar xəbərlər
"Şura hökümətinə bəslənən ümidlərin boşa çıxması..." - Səməd Vurğun Hüseyn Cavid haqqında nə yazırdı?
17:00
25 sentyabr 2026
Ədəbiyyatın görünən üzü aldadıcıdır – Bir hekayənin arxasındakı ikinci dünya
13:00
24 sentyabr 2026
"Yazıçılar Birliyinin 3000 üzvündən hansı sabun köpüyüdür?" - Azərbaycan ədəbiyyatının ən çox şişirdilmiş əsərləri haqqında
12:00
24 sentyabr 2026
İnsan torpağı itirəndə, əslində, nəyi itirir? - "Torpağın ruhu" haqqında
13:25
23 sentyabr 2026
“Öldür və qoy ölsün” ideologiyasına qarşı “Yaşa və qoy yaşasın” şüarı... - Müharibə romanları necə olmalıdır?
12:00
23 sentyabr 2026
Alter-eqosu haqqında əsərləri ilə məşhurlaşan yazıçı - Markes yaxın dostu Alvaro Mutisi necə adlandırmışdı?
10:00
22 sentyabr 2026
Ana səhifə
Reels
Yazarlar
Xəbərlər