Qan TURALI
Azərbaycan aktyorlarının kitaba qarşı vulqar münasibəti haqda yazmaqdansa müsbət nümunələri təsvir etmək faydalıdır.
“Qurdlar vadisi”ndəki roluna görə hamı onu Süleyman Çakır kimi tanıyır.
Əsl adı Oktay Kaynarcadır.
Onlarla filmdə möhtəşəm rollər yaradıb.
Bu gün onun apardığı verilişə baxdım.
Məntiqli danışığı, sənət haqda düşüncələri çox maraqlı idi.
Can Yüceldən bir şeir oxudu.
Həmin şeiri dilimizə uyğunlaşdırıb yazının sonunda verirəm.
O şeiri dinləyəndə anladım onun içinin nə qədər geniş olduğunu,
hissiyatının nə qədər güclü olduğunu hiss edir.
Məhz bu şeiri bu qədər gözəl oxuyan, ürəyi ilə şeiri qavrayan bir adam o rolları oynaya bilərdi.
Bizim dünyadan xəbərsiz, gözü toy yiyəsinin cibində olan tamada aktyorlar yox…
Can Yücel: Qadın adlanan naməlum qitə
Qadın adlanan naməlum qitəni kəşfə çıxan milyonlarla kişi çox zaman əliboş qayıdarlar bu mənasız səfərlərindən.
Qadın anlanan naməlum qitəni kəşfetdiyini sananlar isə bir az sonra (bəlkə bir neçə il, bəlkə bir neçə saat) ayaq basdıqları qitəni bambaşqa bir iqlimə bütünmüş görüncə, Kolumb sendromu ilə “Deyəsən, səhv gəlmişəm” təlaşına qapılırlar.
Əslində səhv olan qitənin ünvanı deyil, səyyahın qavrayışıdır. Topoqrafiyadan heç nə qanmamasıdır. Qitənin bəzən fəsil dəyişdirdiyini, bəzən isə eyni vaxtda bir neçə fəsli yaşamasını anlamamasıdır səbəb.
Göyərtədən torpağın görünüşü ilə qitədən səyyahın görünüşü arasındakı fərqi anlamamasıdır.
Bir kompas xətası ucbatından neçə kişi möhtəşəm bir qitənin astanasından geri qayıtmışdı, neçə səyyah kəşf etmədiyi qitələrin mövcud olmadığına inanıb, onların ərazisinin nə qədər olduğunu bilmədən yaşadığı qitənin sahillərində xərcləmişdi ömrünü…
Və kim bilir neçə qitə uzaqdan təbəssümlə izləmişdir dənizdə onu axtaran şaşqın səyyahların mənasız dolanmalarını…
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Oxşar xəbərlər
"Şura hökümətinə bəslənən ümidlərin boşa çıxması..." - Səməd Vurğun Hüseyn Cavid haqqında nə yazırdı?
17:00
25 sentyabr 2026
Ədəbiyyatın görünən üzü aldadıcıdır – Bir hekayənin arxasındakı ikinci dünya
13:00
24 sentyabr 2026
"Yazıçılar Birliyinin 3000 üzvündən hansı sabun köpüyüdür?" - Azərbaycan ədəbiyyatının ən çox şişirdilmiş əsərləri haqqında
12:00
24 sentyabr 2026
İnsan torpağı itirəndə, əslində, nəyi itirir? - "Torpağın ruhu" haqqında
13:25
23 sentyabr 2026
“Öldür və qoy ölsün” ideologiyasına qarşı “Yaşa və qoy yaşasın” şüarı... - Müharibə romanları necə olmalıdır?
12:00
23 sentyabr 2026
Alter-eqosu haqqında əsərləri ilə məşhurlaşan yazıçı - Markes yaxın dostu Alvaro Mutisi necə adlandırmışdı?
10:00
22 sentyabr 2026
Ana səhifə
Reels
Yazarlar
Xəbərlər