Adətən uzun yola çıxanda çantama bir neçə kitab qoyuram. Bu dəfə David Nikolsun “Bir gün” romanını yolda oxumaq üçün götürdüm və təyyarədə yerimi rahatlayandan sonra əsəri oxumağa başladım. Yenə də mütaliəm yarımçıq qaldı.
- Yadigar Muradov dəfn olundu
- Əxlaq da, ədalət də qorxunun nəticəsidir - Totalitarizmin "atası" haqqında
- Nizami Gəncəvi: "Tiktokda olsaydım, “Leyli və Məcnun”dan 15 saniyəlik video çəkənlərə..." - Müsahibə
İstanbulda həmişə olduğu kimi, kitab mağazalarına da baş çəkdim və xeyli kitab aldım. Nazim Hikmətin bioqrafiyasından bəhs edən “Romantik kommunist” kitabını oteldə oxumağa başladım. Hələ də oxuyub bitirməmişəm.
Səyahət boyunca yeganə oxuyub bitirdiyim kitab ingilis yazarı S. J. Boltonun “Zəhər” romanı oldu. Bu kitabı birnəfəsə oxudum, doğurdan da nəfəskəsici bir həyəcanla oxunur. Əsər baytar həkimi olan bir qadının kənd evlərinə soxulmuş ilanlarla mübarizəsindən bəhs edir. Yarıfantastik, yarıdetektiv, yarımistik elementlərlə süslənmiş bu romanın dilimizə çevrilməsini arzuladım.
Bakıya qayıdanda hava limanında bir-iki saat ərzində A. Radişşevin “Peterburqdan Moskvaya səyahət” əsərini axır ki, oxuyub başa çatdırdım. Təyyarəyə minəndə xanımım dedi ki, səfər boyunca sən ancaq kitab oxudun. Yarızarafat, yarıciddi dedim ki, yaxşı ki, bu kitablar vardı, yoxsa istirahət edə bilməzdim. Qınayıcı nəzərlərlə üzümə baxdı.
Təyyarəyə minəndə kürək çantamda 11 kitab vardı... İkisini özümlə gətirmişdim, doqquzunu isə İstanbuldan almışdım...
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
