Akademik Milli Dram Teatrında yeni teatr mövsümü ilə bağlı mətbuat konfransı keçirilib. Kulis.Az-ın xəbərinə görə, mövsümün ilk premyerası Əli Əmirlinin pyesi əsasında hazırlanan “Şah Qacar” tamaşası ilə olacaq.

Teatrın direktoru İsrafil İsrafilov yeni mövsümdə səhnəyə qoyulması nəzərdə tutulan tamaşalar haqqında danışdı: “Bu mövsümdə hazırlanıb səhnəyə qoyulması nəzərdə tutulan pyeslərdən biri Hüseyn Cavidin “Topal Teymur” əsəridir. Bu əsəri rejissor Mehriban Ələkbərzadəyə həvalə etmişik. Bundan əlavə, nəzərdə tutmuşuq ki, Eduardo de Filipponun “Neapol - milyonerlər şəhəri” adlı pyesini də bu mövsümdə teatrsevərlərə təqdim edək. Gənc dramaturq Samid Ağayevin “Xəlifənin anası” pyesini də bu ilin repertuarı üçün nəzərdə tutmuşuq”.

İ. İsrafilov teatrın problemlərinə də toxunub: “Çox ciddi şəkildə rejissor və dramaturq problemi yaşayırıq. Azərbaycanda aktyor problemi olmayıb, amma təəssüf ki, biz bu gün aktyor problemi də yaşayırıq. Çalışırıq ki, repertuar seçimində bütün təbəqələrdən olan insanları əhatə edək. Amma bizim komik və faciə janrında yazan dramaturqlarımız yoxdur”.

• Məşhur rok ulduzu Türkiyədə konsert verəcək
• "Molla Nəsrəddin" necə Allahsızlar İttifaqının orqanına çevrildi?
• Xidmətçi qıza aşıq olan evli qadın - Ən yaxşı 10 LGBT filmi