Kulis.az məşhur alman filosofu Fridrix Nitsşenin aforizmlərini təqdim edir:


-Məni öldürməyən şey məni gücləndirir.

-Öz alovlarınızda yanmağa hazır olmalısınız. Külləriniz olmadan necə dirilə bilərsiniz ki?

-Ümid ən pis şeydir. Çünki işgəncəni uzadır.

-İnsan ruhunu etdiyi seçimlər müəyyənləşdirir.

-Aforizm formasında qanıyla yazan adam oxunmağı yox, əzbərlənməyi istəyir.

-Bilik müdrikləri olmağı bacarırsınızsa heç olmasa, bilik döyüşçüsü olun.

-Küləyə qarşı tüpürməkdən çəkinin.

-Siz dostlar, zövqlər və rənglər haqda mübahisə olunmaz, deyirsiniz. Amma həyat zövqlər uğrunda mübahisədən ibarətdir.

-İmkan vermə ki, özünün əldə edə biləcəyin bir hüququ sənə versinlər...

-Nəsənsə o ol!

-Ruh həyatın bağrına saplanan həyatdır.

-Hər şey bir-birindən daha önəmlidir.

-Əzab deyir: “Məhv ol!”

-İnam həqiqətin düşməni kimi yalanlardan daha təhlükəlidir.

-Səni sevirəmsə, bundan sənə nə?

-İnsanlar bərabər deyil.

-Nə qədər yüksəlirsək yüksələk uçmaq bilməyənlərə o qədər balaca görünürük.

-Qadınları qadınlar arasından azad etməli.

-Uçurumu sevənlərin qanadları olmalı.

-Biz arzu ediləndən çox arzulamağa aşiqik.

-Zəiflər bizi öz gücümüzdən utanmağa məcbur etdikləri üçün bizə qalib gəldilər.

-Həqiqətdə də həyatın mənası olmasaydı və ən mənasız şeyi seçməyə məcbur qalsaydım, ən seçiləsi mənasızlıq həyat olardı.

-Həyata qarşı məsuliyyətimiz ondan daha yaxşısını yaratmaqdır, daha əclafını yox.

-Siz yüksəlmək istəyəndə yuxarı baxarsınız. Mən isə aşağı baxıram. Çünki mən yüksəlmişəm.

-Siz uçuruma baxanda uçurum da sizin içinizə baxar.

-İnsan qəhqəhə ilə güləndə qabalığı ilə bütün heyvanları geridə qoyar.

-Ruh axtaranda ruh yoxdur.

-Ancaq o biri gündür mənim günüm. Kimiləri öləndən sonra doğular.

-İnanc həqiqəti bilmək istəməməkdir.

-Uca dağlarda buz içində könüllü yaşamaqdır fəlsəfə...

-Şübhə yox, dəqiqlikdir adamı dəli edən.

-Özünü biliyə həsr edən ancaq düşməni sevməməlidir, dostuna kin bəsləməyi də bacarmalıdır.

-Sənət həqiqətdən də qiymətlidir.

-Harda canlı varsa, orda hökmranlıq iradəsi var. Xidmətçilərdə belə ağalıq iradəsi tapdım.

-Mən iki insanın ulu həqiqəti tapması üçün eyni ehtirası bölüşdüyü bir eşq təsəvvür edirəm.

-Sivilizasiya tərəfindən məhv olmaq təhlükəsi ilə qarşı-qarşıya olan sivilizasiyada yaşayırıq.

-Əxlaq yatanda düha fışqırar.

-İnsanlar işığın ətrafına yığışırlar, daha yaxşı görmək üçün yox, daha yaxşı parıldamaq üçün.

-Gözləmək insanı əxlaqsızlaşdırır.

-Kişi öz nurunu söndürməyi də bacarmalıdır. Böcəklərdən və heyranlarından xilas olmağı üçün...

Tərcümə: Qan Turalı

• "Adile" filmində Tarık Akanı kim oynayacaq?
• Yaşar Nurinin həyat yoldaşı: "İnanmazdım ki, ər arvadına qarşı belə hərəkət eləyə bilər" - Video
• Məşhur aktrisa vəfat etdi