Bakıda Rəsul Quliyevin romanı nəşr olundu

Sənət

Ana səhifə
Sənət

Bakıda Rəsul Quliyevin romanı nəşr olundu

21 aprel 2011

11:24

Azərbaycanın eks-spikeri Rəsul Bayramın (Quliyev) Bakıda yeni kitabı nəşr olunub. Müəllifin bu kitabı əvvəlkilərindən fərqli olaraq, roman janrında qələmə alınıb.

"Qanun" nəşriyyatından Kulis.az-a verilən məlumata görə, "Axına qarşı" adlanan roman bir kitabda həm azərbaycan, həm də rus dilində nəşr olunub. Əsər iki gəncin dramatik məhəbbəti fonunda Yaxın Şərqin və XX əsrin son 100 illik tarixinin düyünlərinə işıq salır.

"Axına qarşı" romanı ümumilikdə avtoritar rejimlərin millətlərin və insanların taleyində necə ağır izlər buraxdığını canlı ştrixlərlə anladır. Əsərin mövzusu eyni problemlərlə üz-üzə qalan Azərbaycan oxucusuna müqayisə üçün yaxşı imkanlar açır.

Qeyd edək ki, roman 2010-cu ildə ABŞ-ın tanınmış nəşriyyatlarından biri olan “Xlibris’’də ingilis dilində nəşr olunub.

Kitab Almaniyanın məşhur Frankfurt yarmarkasında, habelə Amerikanın daha 3 kitab sərgisində geniş oxucu auditoriyasına təqdim olunub. Kitabın nəşrindən az sonra Yaxın Şərq ölkələrində baş verən inqilablar romanın aktuallığını artırıb və ABŞ-da böyük maraq qazanıb.

Kitab Bakının bütün kitab mağazalarında satışa çıxarılıb. Qiyməti 5 manatdır.

Günel Əsgərzadə