“Twitter” Vaqifin şirin dilində

Sənət

Ana səhifə
Sənət

“Twitter” Vaqifin şirin dilində

25 avqust 2011

14:24

“Twitter” Azərbaycan dilinə uyğunlaşdırılacaq. Bu barədə “Barkamp”ın layihə meneceri İlqar Mirzə xəbər verib.
Kulis.az Trend-ə istinadən bildirir ki, bu məsələ qurumun nümayəndələrinin “Twitter”in San-Fransiskodakı mənzil qərargahında keçirilən görüşündə müzakirə predmeti olub: “Bu istiqamətdə işlər yaxın bir neçə ay ərzində yekunlaşacaq. Azərbaycan versiyasının işə düşməsi “Twitter”in populyarlığını daha da artıracaq”.
Bu gün servis rəsmi olaraq 12 dil versiyasında (indoneziya, alman, ingilis, ispan, fransız, italyan, niderland, türk, rus, yapon, koreya dilləri) fəaliyyət göstərir.
İ.Mirzə bildirib ki, Azərbaycanda “Twitter”in istifadəçiləri son bir ildə əhəmiyyətli dərəcədə artıb. Təxmini hesablamalara görə, bu rəqəmlər 10 minə çatıb.

Günel ƏSGƏRZADƏ