“Bura zibil atanın Dubaydakı anasını...”

Sənət

Ana səhifə
Sənət

“Bura zibil atanın Dubaydakı anasını...”

25 iyul 2011

06:00

Facebook-da “HamamTimes” adlı səhifə var. Burda bir cümləlik gülməli qeydlər yazılır. Səhifənin yaradıcısı və qeydləri yazan şəxs bəlli deyil.

Kulis.az “HamamTimes”dan seçdiyi bəzi qeydləri təqdim edir.

- Təcili qana ehtiyac var. Qan qrupunun fərqi yoxdur. İmza: Ağcaqanad

- Şəhər sakinləri paytaxt üzərində görünən uçan naməlum obyekti icarəyə götürmək istəyirlər.

- Bayram Kürdəxanlı Fransa İncəsənət Universitetində "Meyxananın Fransa mədəniyyətinə" təsiri barədə mühazirə deyəcək.

- Satılır: Beşmərtəbəli evin altıncı mərtəbəsi. Aristonu da var. Təhminəsi də.

- Qlobal istiləşməyə görə Şərur rayonunun baş baytarı vəzifəsindən istefa verib.

- Qarabağ Azadlıq Təşkilatına dəstək məqsədiylə Bakı sakini Əliyev Elçin Ramiz oğlu özünü Qız Qalasından atıb!

- Türkiyə futbol dünyasında 100-ə yaxın adam həbs edilib. Türkiyə Daxili İşlər Nazirliyi isə yaydığı açıqlamada bildirib ki, həbslərdən xəbərsizdir!

- Həkimlər reper Qaraqanın qanının qırmızı rəngdə olduğunu bir daha dünya ictimaiyyətinə sübut ediblər.

- “Sındı qol qanadım, yanıma düşdü”- deyən Aşıq Ələsgər o gündən sonra uça bilmir.

- Call of Duty oyununda online olaraq erməniləri darmadağın edən gənc ANS teleşirkəti tərəfindən ilin vətənpərvəri elən edildi!

- Masazırda təsbeh zavodu açılacaq.

- Bura zibil atanın anasını Dubayda tapa bilməyən məhlə uşaqları, ruhdan düşməyərək Dubayda maşın və telefon alverinə başladılar.

- Neftçilər metrosu yaxınlığında “Kalqotka yarmarkası” təşkil ediləcək.

- Tarixə düşmək istədiyini etiraf edən orta məktəb şagirdi tarix kitabı yazmağa başlayıb.

Hazırladı: Günel ƏSGƏRZADƏ