Dövlət “Qan yaddaşı”nı sifariş verib

Sənət

Ana səhifə
Sənət

Dövlət “Qan yaddaşı”nı sifariş verib

22 iyul 2011

10:42

Kinoaktyor, ssenarist, rejissor Əbdül Mahmudbəyov yeni ssenari üzərində işləyir.

Müəllifin Kulis.az-a dediyinə görə ssenaridə tarix boyu ermənilərin türklərin başına gətirdiyi müsibətlərdən-soyqırımdan bəhs edilir: “Bu soyqırım məsələsini ilk dəfə 1989-cu ildə rəhmətlik Heydər Əliyev dilə gətirdi ki, ermənilərin bizə qarşı törətdikləri əslində soyqırım siyasətidir. İndiyə qədər də hamı deyir ki, bu siyasət 1-ci Pyotrdan üzü bəri Rusiya imperiyasının apardığı məqsədyönlü siyasətdir, amma heç kim bilməyib ki, I Pyotr bu barədə rəsmi dövlət sənədi imzalayıb. Deyib ki, bizim imperiya siyasətimizin qarşısını yalnız türk milləti ala bilər, ona görə də bunları birləşməyə imkan verməməliyik. Bunun üçün ən yaxşı vasitə isə ermənilərin müsəlmanlar yaşayan yerlərdə yerləşdirilməsini bildirib. Onların satqınlığı bizim xeyrimizə işləyəcək deyib. Əlimdə üç tomluq “Kafkazda erməni məsələsi adlı” bir elmi əsər var. Burda hamısı faktlarla, sənədlərlə öz əksinin tapıb. Tomluğu Londonda “Avropa Azərbaycan Cəmiyyəti” çap etdirib. Ssenarini həmin elmi, tarixi araşdırma əsasında hazırlayıram. Artıq hazır olmaq üzrədir.”

Ssenarinin şərti adı “Qan yaddaşı”dır. Film həm bədii, həm də etnoqrafik xarakterli olacaq. Onu da deyək ki, bu filmin dövlət sifarişi ilə çəkiləcəyi bildirilir.

Ramilə QURBANLI