Bu gün alman yazıçı və şair Hüqo Ballın anım günüdür.
Kulis.az onun əsərlərindən sitatları təqdim edir.
Burada (Kabare Volterdə) danışılan və oxunan hər bir söz azı bu bir həqiqəti ifadə edir: bu alçaldıcı əsr bizim hörmətimizi qazanmağa müvəffəq olmayıb.
***
Dəqiqlik başını götürüb cəhənnəmə gedə bilər.
***
Niyə bir ağaca Pluplusç adını vermək olmasın?
***
Əgər təmizliyi, nizamı və qanunu qəbul edirdinsə, deməli, polisi də qəbul etməli olurdun.
***
Önəmli olan məşq deyil, ilhamdır.
***
Mən Vətənimin imzasını daşıyıram və haraya getsəm, onunla əhatə olunduğumu hiss edirəm.
***
Ah, parıldayan işığın və tikanlı məftillərin, ilkin qüvvənin və uçurumun əsri!
***
Sənətkarın sirri qorxu və ehtiramdadır. Bizim dövrümüz isə bunları dəhşətə və ümidsizliyə çevirib.
***
Hər şey işləyir; bir tək insanın özü artıq işləmir.
***
Qüsursuz bəşəriyyət deyə bir şey yoxdur.
***
İnsan ürəyini alnına döyməlidirmi? Onda bütün dünya görərdi: ürəyi başına vurub. Mürəkkəb rəngində, ölüm kimi mavi, əzab dolu bir ürək olacağı üçün demək olar ki: ölüm onun başına vurdu. Biz sadəcə olaraq dəhşətin bizi nə qədər dərindən vurduğunu qeyd etməliyik.
Rus dilindən tərcümə etdi: Aydan Ağayeva
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər