Türkiyədə Azərbaycan Səfəvi dövlətinin tarixinə dair kitab nəşr edildi

Türkiyədə Azərbaycan Səfəvi dövlətinin tarixinə dair kitab nəşr edildi
23 dekabr 2025
# 12:15

XVI əsr Azərbaycan tarixçisi Həsən bəy Rumlunun “Əhsənüt-təvarix” adlı salnaməsi Türkiyə türkcəsinə tərcümə edilərək “Bilgə” nəşriyyatı tərəfindən “Səfəvi tarixi seriyası” çərçivəsində nəşr edilib.

Kulis.az xəbər verir ki, kitab Kastamonu Universitetinin Tarix bölümünün professoru Namiq Musalının müfəssəl giriş məqaləsi və şərhlərlə birlikdə təqdim olunub.

N.Musalı bildirib ki, Həsən bəy Rumlunun əcdadları Anadoludan Azərbaycana gələrək Səfəvilərə xidmət edən Qızılbaş türklərindəndir. “Həsən bəy Rumlu uzun müddət ərzində Səfəvi hökmdarı Şah Təhmasibin şəxsi qvardiyasının hərbi qulluqçusu olub və səfərlər əsnasında hökmdarı müşayiət edib. Bu baxımdan Həsən bəy Rumlu öz dövrünün hadisələrinin sadəcə şahidi deyil, eyni zamanda aktiv iştirakçısı olub”, - deyə professor qeyd edib.

Onun sözlərinə görə, Səfəvilərin hakimiyyətə yüksəlməsini, I Şah İsmayıl, I Şah Təhmasib və II Şah İsmayılın hakimiyyətləri dövrünü Həsən bəy Rumlu qədər ətraflı şəkildə təqdim edən salnaməçilərin sayı olduqca azdır.

Müəllif xüsusən də Azərbaycanda – Şirvanda, Qarabağda, Çuxursəəddə, Naxçıvanda, Ərdəbildə, Təbrizdə və s. baş vermiş hadisələrə xüsusi diqqət ayırıb. Azərbaycanla yanaşı, türk-islam dünyasının müxtəlif regionlarında baş verən proseslər müəllifin diqqətindən kənarda qalıb.

Kastamonu Universitetinin professoru bildirib ki, Həsən bəy Rumlunun ümumi tarix səciyyəli “Əhsənüt-təvarix” əsərinin sadəcə son iki cildi zamanımıza qədər gəlib çatıb. Bunlardan biri 1404-1494-cü illərin, digəri isə 1494-1578-ci illərin hadisələrini əhatə edir. Xüsusən də əsas etibarilə Səfəvi tarixindən söz açan son cild orijinal məlumatları ilə diqqəti cəlb edir.

Ekspertlər 752 səhifədən ibarət olan bu nəşrin Türkiyədə Səfəvi tarixi ilə tədqiqatlar üçün mühüm bir mənbə rolunu oynayacağı, elmi ictimaiyyət və geniş oxucu kütləsi arasında mövcud olan bəzi yanlış anlaşılmalara aydınlıq gətirəcəyi qənaətindədirlər.

# 1451 dəfə oxunub

Oxşar xəbərlər

Taylor Sviftin geyimləri və şəxsi əşyaları nümayiş olunacaq

Taylor Sviftin geyimləri və şəxsi əşyaları nümayiş olunacaq

18:57 20 noyabr 2026
Ayasofiyada qədim tunellər aşkar edildi

Ayasofiyada qədim tunellər aşkar edildi

18:16 20 noyabr 2026
Bruno Marsın ailəsində ağır itki

Bruno Marsın ailəsində ağır itki

17:37 20 noyabr 2026
Kris Prat yeni fantastik filmdə baş rola çəkiləcək

Kris Prat yeni fantastik filmdə baş rola çəkiləcək

17:03 20 noyabr 2026
Nadir Bədəlov:  “Azərbaycan kinosu yox, Bakı kinosu var” – MÜSAHİBƏ

Nadir Bədəlov: “Azərbaycan kinosu yox, Bakı kinosu var” – MÜSAHİBƏ

16:32 20 noyabr 2026
Azərbaycan mahnıları ingiliscə, dünya hitləri azərbaycanca

Azərbaycan mahnıları ingiliscə, dünya hitləri azərbaycanca

16:00 20 noyabr 2026
Ana səhifə Reels Yazarlar Xəbərlər