Misir fironu Tutanxamon dövrünə aid fil sümüyü və ağac materialından hazırlanmış, mürəkkəb oyma texnikası ilə düzəldilmiş çəyirtkə fiquru Londonda yerləşən kiçik bir auksion evi tərəfindən hərraca çıxarılacaq.
Kulis.az xəbər verir ki, çəyirtkə formasında olan bu qədim əşya kohl — yəni göz üçün istifadə edilən kosmetik maddə və ya ətir saxlamaq üçün istifadə olunub.
Həşərat formalı qabın qiymətinin 300.000 – 500.000 funt sterlinq (təxminən 400.000 – 675.000 ABŞ dolları) arasında dəyişəcəyi gözlənilir.
Qeyd edək ki, Misir sənət tarixçiləri artefaktın mənşəyi ilə bağlı ciddi şübhələr irəli sürüblər. Onların fikrincə, bu nadir fiqur 1922-ci ildə Tutanxamonun məzarını kəşf edən məşhur britaniyalı arxeoloq Hovard Karter tərəfindən qeyri-qanuni şəkildə əldə olunub. Tarixçilər hesab edirlər ki, artefakt məzardan gizli şəkildə çıxarılıb və sonradan şəxsi kolleksiyalara daxil edilib.
Misir hökuməti isə bu kimi halların qarşısını almaq üçün beynəlxalq təşkilatlarla əməkdaşlıq edərək artefaktın geri qaytarılmasına çalışacağını bildirib.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər